फागुन १४, रत्ननगर ।
पूर्वी चितवनको रत्ननगरमा रहेको गामबेसीँको चेपाङ संरक्षण केन्द्रलाई खाद्यान्न तथा स्टेशनरी सहयोग गरिएको छ । नारायणगढ निवासी स्वर्गीय रुकमणि प्रधानको पुण्यतिथिमा संरक्षण केन्द्रमा आश्रित वालवालिकाको लागि खाद्यान्न तथा स्टेशनरी सहयोग गरिएको हो । प्रधानका श्रीमान केएल भूषण प्रधान, जेठा छोरा गगन प्रधान, चितवन उद्योग बाणिज्य संघका पूर्व अध्यक्ष तथा कान्छा छोरा सहन प्रधान, छोरीहरु शशी श्रेष्ठ , डा।सन्जु लाल, वर्षा प्रधान, नाति प्रियनलाल केन्द्रमा पुगेर खाद्यान्न तथा स्टेशनरी हस्तान्तरण गरेका थिए । संरक्षण केन्द्रका अध्यक्ष केपिकिरण शर्माले आर्थिक मन्दीको प्रभाब संरक्षण केन्द्रमा परेको भन्दै सहयोग गर्न दाँताहरुलाई आग्रह गरेका छन् ।
