बैशाख १२, चितवन ।
भरतपुर महानगरपालिका वडा नं २७ मेघौलीमा शुक्रबार होमस्टे प्रर्वद्धन सम्बन्धी प्रशिक्षणात्मक अन्तत्र्रिmया कार्यक्रम गरिएको छ । बागमती प्रदेश सरकार अन्तर्गत पर्यटन कार्यालय सौराहाको आयोजनामा सुरु भएको कार्यक्रममा चितवनको होमस्टेको अबस्था, विकास, पूर्वधार निर्माण तथा गुणस्तरीय सेवाको विषयमा छलफल गरिएको कार्यालयका प्रमुख प्रेमप्रसाद ढकालले जानकारी दिए । दुई दिन सम्म चल्ने सो कार्यक्रममा पर्यटन विज्ञ डा. विश्वराज सुवेदीले चितवनको पर्यटन र होमस्टेले ग्रामिण पर्यटनको विकासमा खेलेको भूमिका, सहजकर्ता सुवास शर्माले चितवनमा होमस्टेको संख्या र अबस्था तथा मेघौली घटगाई नेचर गाइड एशोसियसनका अध्यक्ष मनिष लिम्बुले जैविक विविधता र चितवनको पर्यटनको सम्बन्धको विषयमा सहजीकरण गरेका छन् । कार्यक्रममा सहभागीहरुको समुह विभाजन गरी होटस्टेको स्तरोन्नतीको लागि स्थानीय सरकार, होमस्टे सञ्चालक र सहयोगी संस्थाले खेल्नु पर्ने भूमिकाको बारेमा छलफल गरिएको थियो । समुहको नेतृत्व गरेका व्यक्तिहरुले होमस्टेको वर्तमान अबस्था र पर्यटकलाई प्रदान गर्ने सेवाको विषयमा लिखित रुपमा जानकारी गराएका थिए । होमस्टेमा विद्यमान समस्याको पहिचान गरी सामधानको खोजीका लागि समुहगत छलफल गरिएको पर्यटन कार्यालय सौराहाका प्रमुख ढकालले बताए । कार्यक्रममा पर्यटन विज्ञ सुवेदीले चितवनका स्थानीय तहहरुले अहिले सम्म होमस्टे कार्यविधि बनाउन नसकेको बताए । भरतपुर महानगरपालिका यस तर्फ अग्रसर भएको भन्दै प्रदेश सरकारको निर्देशन अनुसार होमस्टे कार्यविधि बनाउनु पर्ने बताए । चितवनमा करिब ३०० वटा होमस्टेमा ५०० मात्र बेड क्षमता रहेको छ । चितवनमा बार्षिक ३ लाख ५० हजार पर्यटक भित्रिने गरेका छन् । त्यसको ५ प्रतिशत अतार्थ १५ हजार पर्यटकको मात्र होमस्टे रोजाइमा पर्ने गरेको सुवेदीले जानकारी दिए । ग्रामिण पर्यटन विकासको आधार होमस्टे भएपनि राज्यले ध्यान दिन नसकेको उनको भनाई छ । दैनिक ५०० को हाराहारीमा होमस्टेमा पर्यटक आउछन् । ९० प्रतिशत स्वदेशी र १० प्रतिशत मात्र विदेशी पर्यटक आउने गरेका छन् । पर्यटन कार्यालय सौराहाका प्रमुख ढकालको अध्यक्षतमा भएको उद्घाटन कार्यक्रममा वडा सदस्य मिठु विक, मेघौली पर्यटन विकास समितिका अध्यक्ष मोतिप्रसाद भूषाल, थारु सामुदायिक होमस्टे मेघौलीका अध्यक्ष सोमलाल महतो लगायतको उपस्थिति रहेको थियो ।
