चितवन, पुस ३० ।
चितवन । नारायणी नदीमा माघ १ गते देखि क्रुजशिप सञ्चालनमा आउने भएको छ । क्रुजशिप निर्माण गर्ने कम्पनी राइनो वाटर इन्टरटेनमेन्टले एक विज्ञप्ती जारी गरी भोलि माघ १ गतेदेखि क्रुजशिप सञ्चालनमा आउने जानकारी दिएको हो ।
करिव दुई वर्ष पहिले नै क्रुजशिप निर्माण सम्पन्न भई परीक्षण गरिएको थियो । कोभिड माहामारीका र केही नीतिगत व्यवधानका कारण क्रुजशिप सञ्चालनमा आउन सकेको थिएन । अहिले सबै पक्रिया पुरा गरेर क्रुजशिप संचालनमा ल्याउन लागिएको कम्पनीका कार्यकारी निर्देशक दीपक ढुंगेलले जानकारी दिए । उनले दिउँसो १ बजे विशेष क्रुजिङको समय रहेको जानकारी दिए । ३ तलाको क्रुजशिपमा १८० जना अट्ने छन् । यसको कुल क्षमता भने २०० रहेको छ ।
यसमा यात्रा गर्ने सबै यात्रुहरुको १० लाख रुपैयाँ बराबरको बिमा गरिएको हुन्छ । क्रुजशिपको टिकट दर ७०० रुपैयाँ रहेको छ । ब्रेकफास्ट क्रुजिङको १५००, लन्च क्रुजिङ २०००, डिनर क्रुजिङ २५०० रहेको छ ।
