शैक्षिक भ्रमणका लागि इलामको कन्याम पुगेर फर्कदै गरेको विद्यार्थी सवार बस दुर्घटना

मंसीर ३, चितवन । शैक्षिक भ्रमणका लागि इलामको कन्याम पुगेर फर्कदै गरेको विद्यार्थी सवार बस दुर्घटनामा परेको छ । धनुषाको जनकपुरबाट विद्यार्थी बोकेर इलामको कन्याम पुगेको बस आइतबार बेलुका कन्यामबाट फर्कने क्रममा रोङ गाउँपालिका– ३ कोल्बुङमा दुर्घटना भएको हो । जिल्ला प्रहरी कार्यालय इलामका प्रहरी उपरीक्षक बासुदेव खतिवडाका अनुसार ना ६ ख ८४२४ नम्बरको बस मेची राजमार्गबाट करिब तीन सय मिटर तल झरेको थियो । बेलुका साढे ५ बजे दुर्घटनामा परेको बसमाा ३७ जना सवार रहेका थिए । बसमा सवार मध्ये ३६ जनाको उद्दार गरी उपचारका लागि विर्तामोड पठाइएको छ । बसमा च्यापिएका थप एक जनाको उद्धार गर्ने प्रयास भइरहेको उनले बताए । ‘बसमा सवार ३६ जनाको उद्दार गरी उपचारका लागि पठाइएका मध्य केही सामान्य र केही गम्भीर घाइते रहेको उनले बताए ।