फागुन ५, चितवन । सपोर्ट एण्ड केयर पुर्नस्थापना केन्द्र रत्ननगर चितवन र नेपाल नेत्रज्योति संघ, भरतपुर आंखा अस्पताल चितवनको संयुक्त अयोजनामा चितवनका विभिन्न ठाउंहरुमा ६ दिने निशुल्क आंखा परिक्षण शिविर हुने भएको छ । यहि फागुन १० गतेबाट शुरु हुने शिविरमा निशुल्क रुपमा मोतिया विन्दुको अपरेशन, आंखा जांच, चश्मा तथा निशुल्क औषधी वितरण गरिने छ । आयोजकले दिएको जानकारी अनुसार फागुन १० गते पदमपुर स्वास्थ्य चौकी कालिका नगरपालिका, ११ गते कठार स्वास्थ्य चौकी खैरहनी नगरपालिका, १२ गते भानु माध्यमिक विद्यालय भरतपुर महानगरपालिका २१ पहारीलोटार, फागुन १३ गते बछौली स्वास्थ्य चौकी रत्ननगर नगरपालिका, फागुन १४ गते आंखा उपचार केन्द्र भण्डारा, राप्ती नगरपालिका र फागुन १५ गते सपोर्ट एण्ड केयर पुर्नस्थापना केन्द्र रत्ननगर नगरपालिका कपरखोरीमा हुने भएको छ । आइफोरक्याम्प चितवनले सुचना जारी गरी मोतियाविन्दुको निशुल्क अप्रेशन सहितको आंखा शिविर हुने जानकारी दिएको छ ।
