भदौ १६, चितवन । चितवनको माडी १, सिखारीपुर गाउँमा चट्याङ लागेर एक महिलाको ज्यान गएको छ । आइतबार बिहान करीब ९ बजे परेको चट्याङ लागी दयाराम महतोको श्रीमती, बर्ष ५० की सरस्वती महतोको मृत्यु भएको हो । बिहानपख भारी बर्षा भइरहेको समयमा गोठमा रहेको भैंसी सार्न घरबाहिर निक्लिँदा उहाँमाथि चट्याङ परेको थियो ।
चट्याङका कारण महतोको कपाल, ढाड, खुट्टा र शरीरका अन्य भागहरु जलेको प्रहरीले जानकारी दिएको छ ।
