समाचार

मंसीर ३, चितवन ।  भव्य कार्यक्रम।
भारतकी प्रथम महिला प्रधानमन्त्री इन्दिरा गान्धीको जन्मजयन्तीका अवसरमा अन्तर्राष्ट्रिय सद्भाव मञ्च र इन्डो नेपाल हार्मनी अर्गनाइजेसनले भारतको राजधानी नयाँ दिल्लीमा भारत नेपाल सांस्कृतिक समन्वय सम्मेलनको आयोजना गरेको छ । काठमाडौं नेपालको चितवनबाट आएका टंकनाथ पौडेललाई बोर्डका सल्लाहकार सदस्य विनोदकुमार अग्रवालले नेपालबाट आएका अतिथिहरुलाई स्वागत गरेका थिए । कार्यक्रममा सर्वोच्च अदालत नयाँ दिल्लीका विशेष अतिथि नेपाल सरकारका प्रथम उपराष्ट्रपतिका विशेष सल्लाहकार महावीर प्रसाद तोर्डीको उपस्थिति रहेको थियो । भारतका पूर्वनिर्वाचन आयुक्त डा जीबीजी कृष्णमूर्तिको जन्मजयन्तीमा बोर्डका सल्लाहकार सदस्यहरूलाई डा. जीजी रत्न पुरस्कारले सम्मान गरिएको थियो। टंकनाथ पौडेल र विनोद कुमार अग्रवाललाई नयाँ दिल्लीमा एक विशेष समारोहमा सम्मानित गरिएको थियो। १२ देखि ३१ डिसेम्बरसम्म काठमाडौंमा हुने २२ राष्ट्रको सम्मेलनमा टंकनाथ पौडेल र विनोदकुमार अग्रवालले अतिथीको रुपमा नेपाल आउन निम्तो गरेका थिए । काठमाडौंमा यही डिसेम्बर २८ देखि ३१ डिसेम्बरसम्म हुने २२ राष्ट्रको सम्मेलनमा टंकनाथ पौडेल र विनोदकुमार अग्रवालले प्रतिभालाई नेपाल, काठमाडौंमा आमन्त्रण गरेका थिए । कार्यक्रमको सञ्चालन अधिवक्ता कुलदीप प्रसाद शर्मा, तिलक बीचले गरेका थिए । समाजसेवी राजकुमार चौहानले अतिथिहरुलाई स्वागत गरेका थिए ।

मंसीर २, चितवन । वन तथा वातावरण मन्त्रालयले चितवन राष्ट्रिय निकुञ्जभित्र तस्करले दुईवटा गैँडा मारेको घटना छानविन गर्न समिति गठन गरेको छ । राष्ट्रिय निकुञ्ज तथा वन्यजन्तु संंरक्षण विभागका उपमहानिर्देशक वेदकुमार ढकालको संयोजकत्वमा पाँच सदस्यीय समिति गठन गरिएको हो ।

मन्त्रालयले सचिवस्तरीय निर्णय गरी १० दिनभित्र प्रतिवेदन बुझाउने गरी शुक्रबार समिति बनाएको हो । समितिमा नेपाली सेनाको राष्ट्रिय निकुञ्ज तथा वन्यजन्तु आरक्षण निर्देशनालयका प्रमुख सेनानी, नेपाल प्रहरीको केन्द्रीय अनुसन्धान ब्यूरोका प्रहरी नायब उपरीक्षक, राष्ट्रिय निकुञ्ज विभागका कानुन अधिकृत र अनुसन्धान अधिकृत हुनुहुन्छ । उपमहानिर्देशक ढकालले आइतबार चितवन आएर स्थलगतरूपमा काम सुरु गर्ने बताउनुभयो । घटनास्थलको अध्ययन र सरोकारवालासँग छलफल गरी घटनाबारे वस्तुस्थिति हेरिने उहाँले बताउनुभयो । आवश्यक प्रमाण सङ्कलन गरी भएका कमी–कमजोरी र सुधार गर्नुपर्ने विषयसमेत समावेश गरी प्रतिवेदन तयार गरिने छ । राष्ट्रिय निकुञ्जमा दुईवटा एकसिङ्गे गैँडा तस्करले धरापमा पारेर मारेपछि छानविन गर्न समिति गठन गरिएको हो । गत बिहीबार गैँडा मृतावस्थामा भेटिएका थिए । निकुञ्जको पूर्वी सेक्टरअन्तर्गत चपरचुली क्षेत्रको वडेला खोला नजिकै छ र १८ वर्ष उमेरका पोथी गैँडा मारिएको अवस्थामा फेला पारिएका थिए । छ वर्षे गैँडा तीन दिन र १८ वर्षे गैँडा मारिएको १० दिन पछाडि फेला पारिएको अनुमान गरिएको छ । उक्त घटना सार्वजनिक भएसँगै सत्यतथ्य छानविनको माग गरिएको थियो । नेपाली कांग्रेस चितवनले विज्ञप्ति जारी गरी घटनाको छानविन गर्न माग गरेको थियो । संरक्षण क्षेत्रमा लागेका व्यक्तिले पनि चिन्ता व्यक्त गर्दै छानविनको माग गरेका थिए । चितवन राष्ट्रिय निकुञ्जमा छ सय ९४ गैँडा र नेपालभर सात सय ५२ गैँडा छन् ।

कार्तिक २५, रत्ननगर ।

पूर्वी चितवनको रत्ननगरमा शनिबार देखि प्रथम सयपत्री फूलमाला मेला सुरु भएको छ । तिहारको अबसरमा स्थानीय उत्पादनलाई प्रोत्सहान गर्न आयोजित मेलाको रत्ननगरका मेयर प्रलाद सापकोटाले एक औपचारिक कार्यक्रमका बीच उद्घाटन गरेका छन् । रत्ननगर नगरपालिका र रत्ननगर उद्योग बाणिज्य संघको सयुक्त आयोजनामा सौराहाचोक र टाँडीचोकको बीचमा रहेको मिनी बसपार्कमा मेला सुरु भएको हो । किसानले उत्पादन परेको सयपत्री पूmल र महिला उद्यमीहरुले उत्पादन गरेका भाइटीकाका सामाग्रीको प्रर्वद्धनको लागि मेला आयोजना गरिएको मेयर सापकोटाले बताए ।

बजारमा प्लाष्टिक जन्य बस्तुहरु विक्री वितरणमा रोक लगाएर स्थानीय उत्पादनको बजारिकरणको लागि मेला आयोजना गरको उनको भनाई छ । मेलामा नगर भित्रका किसानले उत्पादन गरेको सयपत्री फुलको माला र महिला उद्यमीले उत्पादन गरेका भाईटीकाका सामाग्री विक्रीका लागि राखिएको मेला व्यवस्थापन समिति तथा आर्थिक विकास समितिका संयोजक सोहेन्द्रराज खरेलले जानकारी दिए । संघका अध्यक्ष शंकर गिरील स्थानीय उत्पादनको बजारिकरणको लागि मेला आयोजना गरिएको बताए । मेलामा फूलको माला सहित भाइटीकाका सामाग्री र कपडा पसल रहने उनले जानकारी दिए । मेलामा प्रतिमाला १०० रुपैया र सयपत्री फुल प्रतिकिलो ४०० रुपैया कायम गरिएको छ । आर्थिक विकास समितिका संयोजक सोहेन्द्रराज खरेलको अध्यक्षतामा भएको कार्यक्रममा जिल्ला समन्वय समितिका सदस्य संजिव पौडेल, नेकपा एमालेका नगर अध्यक्ष इश्वरी अर्याल, माओवादी केन्द्रका नगर अध्यक्ष श्याम बराल, राप्रपाका नगर अध्यक्ष गोविन्द प्रसाद अधिकारी लगायतले मन्तव्य राखेका थिए । कार्यक्रममा वडा नं १६ ले प्रशिक्षण दिएर उत्पादन गरेको महिला पञ्चेबाजा समुहले प्रस्तुती दिएका थिए । कार्यक्रम मेला सांस्कृतिक समितिका संयोजक तथाकार्यपालिका सदस्य राजेन्द्र हमालले सञ्चालन गरेका थिए । उद्घाटन कार्यक्रममा वडाध्यक्षहरु, कार्यपालिका सदस्य, उद्यमशिल महिला समुहका पदाधिकारी तथा सदस्यहरु तथा किसानहरुको सहभागिता रहेको थियो ।