समाचार

बैशाख ३१, चितवन ।तस्विर : कोमलचन्द्र भगत । चितवनमा मानव वन्यजन्तु बीचको द्वन्द्व व्यवस्थापनको काम चुनौतीपूर्ण बन्दै गइरहेको भन्दै संरक्षणकर्मी र अधिकारीहरुले चिन्ता व्यक्त गरेका छन् । सौराहा स्थित मृगकुञ्ज मध्यवर्ती उपभोक्ता समितिले सोमबार माडीमा आयोजना गरेको वन, वन्यजन्तु तथा जैविक विविधता संरक्षणमा सम्भावना र चुनौती विषयक अन्तर्क्रिया कार्यक्रममा उनीहरुले निकुञ्जमा चोरी शिकारका घट्नाहरु नियन्त्रणमा रहेको भएपनि द्वन्द्व नयाँ चुनौतीको रुपमा देखा परेको बताएका थिए । कार्यक्रममा संरक्षणलाई पर्यटनसंग जोड्न समेत जोड दिइएको छ ।

त्यसका लागि माडीमा रहेको जैविक विविधता, प्राकृतिक सम्पदा र पर्यटकीय क्षेत्रहरुको विकास गरि सौराहामा आउने विदेशी पर्यटक भित्रायाउने गरि सम्भाब्यताको बारेमा समेत छलफल गरिएको छ । मृगकुञ्जका अध्यक्ष दुर्गाप्रसाद घिमिरेको अध्यक्षतामा भएको कार्यक्रममा स्थानीय सरकार, संरक्षणकर्मी र व्यवसायीको सयुक्त प्रयासले मात्र लामो समय देखि माडीलाई सौराहासंग जोड्ने योजना सफल हुने निष्कर्ष निकालिएको छ । रेवा मध्यवर्ती उपभोक्ता समितिको सहकार्यमा आयोजना गरिएको कार्यक्रममा निकुञ्जका सुचना अधिकारी गणेशप्रसाद तिवारीले संरक्षणमा सहकारी प्रयास र पर्यापर्यट नविकास, समुदायमा आधारित चोरी शिकार नियन्त्रण युवा जागरण अभियान बछौलीमा अध्यक्ष वसन्त रानाले वन, वन्यजन्तु तथा जैविक विविधता संरक्षणमा सम्भावना र चुनौती तथा युवा जागरण अभियानले गरेका काम र उपलब्धि, पाँचपाण्डव अन्तर्गत समुदायमा आधारित चोरी सिकार नियन्त्रण युवा जागरण अभियानका अध्यक्ष रामबहादुर पोखरेलले सरक्षणमा युवा स्तरबाट भएका कामको बारेमा प्रस्तुती गरेका थिए । मध्यवर्ती क्षेत्र व्यवस्थापन समितिका अध्यक्ष प्रकाश ढुंगानाले संरक्षणमा स्थानीय समुदायको भूमिका कमजोर हुन दिन नहुने भन्दै पर्यटनलाई समुदायको आयआर्जनसंग जोड्नुपर्नेमा जोड दिए । राज्यले संरक्षणमा समुदायको भूमिका खोज्दा उसले समुदायले पाउने लाभको विषयमा पनि गम्भीर हुनुपर्ने उनले बताए । कार्यक्रममा मृगकुञ्जका अध्यक्ष घिमिरेले माडीलाई सौराहाको पर्यटनसंग जोड्न सम्भाब्यताको खोजी गर्न माडी केन्द्रित कार्यक्रम गरिएको बताए । मृगकुञ्जकी सदस्य विन्दा कार्कीले सञ्चालन गरेको सो कार्यक्रममा रत्ननगर वडा नं ५ का बालकृष्ण चापागाईँ, माडी नगरपालिका वडा नं ६ का वडाध्यक्ष दिपेन्द्रराज पौडेल,अयोध्यापुरी मध्यवर्ती उपभोक्ता समितिका अध्यक्ष शिवजी लगायतले मन्तव्य राखेका थिए ।

चितवन, वैशाख ३१ । भरतपुर महानगरपालिकाले आगामी आर्थिक वर्ष ०८/०८२ का लागि राय सुझाव माग गरेको छ । महानगरपालिकाले आगामी नीति तथा कार्यक्रम के कस्तो बनाउने सन्दर्भमा सरोकारवालासँग सुझाव माग गरेको हो । सुन्दर, सुसंस्कृत र समृद्ध महानगर निर्माण हुने गरी अख्तियार गर्ने नीति, कार्यक्रम तथा बजेटको सन्दर्भमा राय सुझाव जेठ १५ गतेसम्म महानगरपालिकाको आधिकारिक ईमेलमा पठाउन अनुरोध पनि गरेको छ । महानगरको आधिकारिक ईमेल This email address is being protected from spambots. You need JavaScript enabled to view it. मा राय सुझाव पठाउन राजनैतिक दल, विभिन्न सरकारी तथा गैरसरकारी संघ संस्था, बुद्धिजीवी, विषय विज्ञ, व्यवसायी, समाजसेवी, पेशाकर्मी, कर्मचारी, संचारजगत, तथा नगरवासीलाई महानगरले आग्रह गरेको छ । भरतपुर महानगरपालिकाले १५ औ नगरसभाका लागि तयारी तीब्र पारेको छ ।
महानगरले यस अघि सडक पूर्वाधारलाई प्राथमिकता दिएपनि यस पटक भने उत्पादन र रोजगारीलाई प्राथमिकतामा राखेको जनाएको छ । महानगरमा यो ७ वर्षको अवधि ८ सय किमिभन्दा धेरै कालोपत्रे निमार्ण भइसकेको छ । नीति तथा कार्यक्रममा जनताको चाहानालाई समावेश गर्न वर्षेनी राय सुझाव माग गर्दै आइरहेको छ ।

भरतपुर, वैशाख ३१  । चाइना हस्पिटल प्रालिद्धारा भरतपुर महानगरपालिकाका स्वास्थ्य स्वमसेविकाहरुलाई एक दिने अभिमुखीकरण कार्यक्रम गरेको छ ।  स्वमसेवीकालाई परम्पारागत चाइनिज उपचार पद्धतिको बारेमा अभिमुखीकरणका साथै स्वास्थ्य जाँच तथा उपचार पनि गरिएको छ ।
भरतपुर महानगरको सम्वन्यमा चाइना अस्पतालको १८ जनाको चिकित्सक ६० जना स्वास्थ्यकर्मीले चेकजाच गरेका थिए । स्वास्थ्यकर्मीहरुको टाउको, खुट्टा, ढाड दुखाईको चाइनिज पद्धतिबाट उपचार गरिएको थियो । यो उपचार पद्धतिमा आवश्यक पर्ने आयुर्वेदिक जरीबुटी नेपालमा पनि पाइने भएकाले सहज तरिकाबाट उपचार गर्न सकिने कार्यक्रम संयोजक सजना रिमालले जानकारी दिनुभयो । पहिलो चरणमा ६० जनाको स्वास्थ्य परिक्षण गरिएको भएपनि क्रमसँगै २०७ जनालाई समेट्न लागेको जनस्वास्थ्य अधिकृत केशव भट्टले जानकारी दिनुभयो । विषश गरी शरिरमा हुने हरेक किसिमको दुखाईलाई यो पद्धति उपचार गर्न सकिन्छ ।
हस्पिटलबाट आएको टोलीले भरतपुर महानगर प्रमुख रेनु दाहालसँग भेट गरेपछि आकस्मिक रुपमा शिविर आयोजना गरेको संयोजक रिमालले जानकारी दिनुभयो । भरतपुर महागरपालिकाले आयोजना गरेको भरतपुर भ्रमण वर्ष २०२४ लाई स्वास्थ्य पर्यटनसँग जोड पनि यो कार्यक्रम गरिएको उहाँले बताउनुभयो ।  आगामी दिनमा पनि भ्रमण वर्षसँग जोडेर यस्ता स्वास्थ्य सम्बन्धी कार्यक्रम सञ्चालन गर्ने उहाँले बताउनुभयो ।