समाचार

माघ १५, चितवन । चितवन जिल्ला क्रिकेट संघ र भरतपुरको बाह्रघरेस्थित क्यासी स्पोर्ट्सको संयुक्त आयोजनामा आगामी शनिबारदेखि ुकिड्स क्याम्प २०८० योजना गर्ने सम्झौता भएको छ । आज क्यासी स्पोर्ट्सको परिसरमा एक पत्रकार सम्मेलन गरी दुबै पक्षले किड्स क्याम्प २०८० सन्चालन गर्ने सम्बन्धमा सम्झौता पत्रमा हस्ताक्षर गरेका हुन् ।

सम्झौता अनुसार ८ वर्षदेखी १४ बर्षसम्मका बालबालिकाहरुलाई करिब ८ सेसन प्रशिक्षण दिइने क्यासी स्पोर्ट्सका म्यानेजर चेतन थापाले बताए । हरेक शनिबार र सार्वजनिक बिदाको दिनमा हुने सेसनमा क्रिकेटका सर्टिफाइड प्रशिक्षकबाट प्रशिक्षण गराइने र हरेक सहभागीको दुर्घटना बिमासमेत गरिने उनले बताए । सहभागीले १ हजार ७ सय ५० रुपैयाँ सहभागीताबापतको शुल्क बुझाउन पर्ने उनले बताए ।

विगतमा क्याम्पाचौरमा आयोजना गरिदै आएको किड्स क्याम्पको निरन्तरता स्वरुप किड्स क्याम्पलाई इन्डोर भेन्युमा संचालन गर्न लागिएको चितवन जिल्ला क्रिकेट संघका अध्यक्ष सुदिप पियाले बताए । आउटडोरमा प्रशिक्षण गराउदा भोग्नुपरेको कठिनाइहरु इन्डोरमा नहुने भएकाले पनि बालबालिकाको सहभागीता उल्लेख्य हुने विश्वास आफुहरुले लिएको उनले बताए । करिब ५० भन्दा धेरै बालबालिकाको सहभागीता रहने क्याम्पमा पहिलोपटक बलिङ्ग मेसिनको समेत प्रयोग गरिने उनले बताए ।

स्थापनाको छोटो समयमा खेलकुद प्रेमीहरुको मन जित्न सफल भएको क्यासी स्पोर्ट्समा अन्तर्राष्ट्रिय मापदण्ड बमोजिमको फुटसल, क्रिकसल, इन्डोर स्वीमिङ्ग पुल लगायत खेलकुद संरचनाहरु रहेका छन् ।

काठमाडौं,१५ माघ ।
लेखक,निर्देशक दीपेन्द्र लामाको नयाँ फिल्म ‘दुखी आत्मा’ मा हिरोइन को होला ? भन्ने कौतुहलता मेटिएको छ । निर्माण ब्यानर क्लक वर्क कृएसनले फिल्मको प्रमुख अभिनेत्रीमा आँचल शर्मालाई अनुबन्ध गरेको छ ।
स्क्रिप्टको मागअनुसार आँचललाई लिइएको निर्देशक लामाले बताएका छन् । अभिनेता दयाहाङ राई यसअघिनै अनुबन्धित् भइसकेको फिल्मको निर्माता हिमाल कडरिया हुन् । निर्देशक दीपेन्द्र र निर्माता हिमालले यसअघि निर्माण गरेको ‘नाङ्गो गाउँ’ सुपरहिट भएको थियो । ‘दुखी आत्मा’ उनीहरुको दोश्रो सहकार्य हो । यसपछि यही टिमले तेश्रो सहकार्य स्वरुप ‘नाङ्गो गाउँ–२’ निर्माण गर्ने घोषणा गरिसकेको छ ।
आगामी चैत्रमा छायांकन गरिने ‘दुखी आत्मा’ को स्क्रिप्ट लेखन कार्य अन्तिम चरणमा पुगेको छ । फिल्मका अन्य कलाकार,प्राबिधिक चयन कार्य केही समयमा गरिने जानकारी निर्माता हिमालले दिएका छन् । काठमाडौंको सेरोफेरोमा खिचिने सोसियल कमेडी जनराको फिल्मको बितरण आरआर फिल्मस्ले गर्नेछ ।

माघ १५, चितवन । भरतपुर महानगरपालिका प्रमुख रेनु दाहालले‘भरतपुर ब्राण्ड’ स्थापित गर्न भरतपुर भ्रमण वर्ष २०२४ को आयोजना गरिएको बताउनुभयो । होटल व्यवसायीसँग सोमबार भरतपुर भ्रमण वर्ष २०२४ को विषयमा आयोजना गरिएको छलफलमा प्रमुख दाहालले भरतपुरलाई पर्यटकीय गन्तव्यका रुपमा राष्ट्रिय तथा अन्तर्राष्ट्रिय रुपमा स्थापित गर्न भ्रमण वर्ष आयोजना गरिएको स्पष्ट पार्नुभयो । ‘भरतपुरमा अहिले पनि पर्यटक आईरहनु भएको छ,उहाँले भन्नुभयो,‘भरतपुरलाई विश्वसामु चिनाउन उत्सवको रुपमा यो कार्यक्रम गर्न लागिएको हो । भरतपुर नेपालको प्रमुख पर्यटकीय गन्तव्य हो भनी विश्वलाई सन्देश दिने कार्य हुदैछ ।’यसका लागि महानगरपालिकाले भ्रमण वर्षको एप, ब्रोसर, स्टिकर, बुकलेट, भिडियो सामाग्री, विभिन्न स्थानमा म्याप बोर्ड राख्ने तथा राष्ट्रिय तथा अन्तर्राष्ट्रिय विशिष्ठ व्यक्तित्व, संघ, संस्था, व्यवसायीलाई निम्तो बाड्ने काम गरिसकेको छ । भरतपुर भ्रमण वर्षका लागि निर्माण भएका पर्यटकीय पूर्वाधारले भरतपुरवासीलाई प्रत्यक्ष, अप्रत्यक्ष लाभ पुग्ने प्रमुख दाहालले बताउनुभयो । भ्रमण वर्षका लागि भरतपुर ६ देव नगरमा निर्माण गरिएको ‘ओपन जु’ सन् २०२४ मा मात्र नभई सधैका लागि प्रत्यक्ष रुपमा बाघ हेर्ने स्थल हुने उहाँको भनाइ छ । ऐतिहासिक दियालो बंगला भ्रमण वर्षपछि पनि सधै खुला रहने भएकाले यो भरतपुरको उत्कृष्ट पर्यटकीय गन्तव्य हुन सक्ने प्रमुख दाहालले बताउनुभयो । महानगरपालिकाको अथक मिहिनेतपछि यो दुई महत्वपूर्ण पर्यटकीय गन्तव्यहरु निर्माण र खुला गर्न सकिएको प्रमुख दाहालले जानकारी दिनुभयो । दियालो बंगलाको स्तर उन्नतीको लागि ठेक्का आह्वान भई सकेको र भ्रमण वर्षको १० दिन अगाडि पछाडि खुला हुने गरी काम अघि बढेको उहाँले बताउनुभयो । भरतपुरमा जीप सफारी, जङ्गल सफारी,डुङ्गा सफारी, प्याराग्लाडिङ, मौलाकालिका केवलकारजस्ता धेरै पर्यटकीय गतिविधि गर्न सकिने भएकाले भरतपुर नेपालको प्रम्ुख पर्यटकीय गन्तव्य बन्ने दिशामा अगाडि बढेको उहाँले बताउनुभयो । भ्रमण वर्षको अवधिमा भरतपुरमा धेरै वटा राष्ट्रिय तथा अन्र्तराष्ट्रिय कार्यक्रमहरु आयोजना हुदाँ ठुलो संख्यामा पर्यटक यहाँ आउने भएकाले पहुनालाई उत्कृष्ट सत्कार गर्न होटल व्यवसायीको भूमिका महत्वपूर्ण हुने प्रमुख दाहालले बताउनुभयो । भ्रमण वर्षको एक वर्षको अवधिमा यहाँ आउने पाहुनालाई विषेश छुटसहितको प्याकेज घोषणा गर्न प्रमुख दाहालले अनुरोध गर्नुभयो । यसको निर्यक्यौल छिटो दिएको खण्डमा अहिलेबाटै प्रचारप्रसार गर्न सजिलो हुने धाराणा राख्नुभयो । सबैको सहयोगबाट मात्रै भ्रमण वर्ष सफल हुने भन्दै प्रमुख दाहालले भरतपुरले भ्रमण वर्ष आयोजना गरेको भएपनि सम्पूर्ण निजी क्षेत्रका व्यवसायी, चितवनवासी, जिल्लाका सम्पूर्ण पालिकाको रहेको स्पष्ट पार्नुभयो । कार्यक्रममा होटल व्यवसायीहरुले भ्रमण वर्षको अवसरमा विषेश प्याकेज ल्याउन सकारात्मक रहेको बताए । उनीहरुले अहिले १५ प्रतिशत छुटको व्यवस्था रहेको भएपनि भ्रमण वर्षलाई लक्ष्ति गरी विषेश अफर ल्याउने उल्लेख गरे । भरतपुर भ्रमण वर्षमा धेरै भन्दा धेरै पर्यटक भरतपुर ल्याउन नेपालका ट्राभल ऐजेन्सीसँग अबको केही दिनमै छलफल गर्ने महानगरपालिकाको तयारी छ ।