समाचार

पौष २५, सौराहा । चितवनमा लामो समय क्रियाशील भई काम गरेका युवा पत्रकार राजेन्द्र आचार्य र विपिन शर्मा सहित ६ जना विभिन्न व्यक्तित्वहरु सम्मानित भएका छन् । रेष्टुरेन्ट एण्ड बार एशोसियसन नेपाल रेवा सौराहाले आफ्नो सत्रौँ बार्षिक साधारणसभा तथा नवौँ अधिवेशनको अवसरमा पारेर युवा पत्रकार आचार्यसहित ६ जनालाई सम्मान गरेको हो । पत्रकारितलाई कर्मभूमि बनाई समग्र सौराहाको पर्या पर्यटन प्रर्बद्धन र विकासको लागि पत्रकारिता मार्फत आफ्नो पेशागत जिम्मेवारीलाई कूशलता पूर्व निर्वाहको अतुलनिय योगदानको कदर गर्दै आचार्यलाई सम्मान गरेको रेवान सौराहाका अध्यक्ष नरेश गिरीले जानकारी दिनुभयो । विगत १७ बर्ष बढी समयदेखि निरन्तर रुपमा पत्रकारितामा सक्रिया आचार्य नेपाल पत्रकार महासंघ चितवनका कोषाध्यक्ष, राष्ट्रिय फोटो पत्रकार संघ चितवनका अध्यक्ष, नेपाल टेलिभिन र कारोबार दैनिक चितवनका संवाददाताका रुपमा पत्रकारितामा सक्रिय हुनुहुन्छ ।

यस्तै प्रेस सेन्टर नेपाल चितवन शाखा र पूर्वी चितवन पत्रकार मञ्चका उपाध्यक्षसगैँ चितवनमा स्थानिय सौराहा अनलाईन डिजिटल पत्रिका, नेपाल रफ्तार अनलाई र नमस्ते बिहानी साप्ताहिक पत्रिका प्रधानसम्पादक समेत रहेनुभएको छ।

पत्रकार आचार्यसगैँ अर्का युवा पत्रकार तथा विप्स मिडियाका सञ्चालक विपिन शर्मा आचार्यसहित रेवान सौराहाका महासचिव सूर्यबहादुर रिमाल, कोषाध्यक्ष राजेशकुमार तामाङ, सदस्य धर्मराज न्यौपाने र उत्कृष्ट कर्मचारीकोरुपमा कार्यालय सचिव भागिरथ (गौतम) गिरीलाई वागमती प्रदेशका सासंद कृष्णप्रसाद खनाल र अध्यक्ष नरेश गिरीले संयुक्त रुपमा दोसल्लासहित सम्मानपत्रले सम्मानित गर्नुभएको थियो

भरतपुर,पुस २४ ।

नेपाल पशुपन्छी औषधि व्यवसायी संघको १४औँ राष्ट्रिय महाधिवेशन तथा ३३औँ वार्षिक साधारण सभा चितवनमा मंगलबारदेखि सुरु भएको छ । बुधवारसम्म चल्ने महाधिवेशनको भरतपुर महानगरपालिका प्रमुख रेनु दाहालले उद्घाटन गर्नुभयो । कार्यक्रममा बोल्दै दाहालले कृषि क्षेत्रको विकासका लागि सबैले हातेमालो गर्न आवश्यक रहेको बताउनुभयो । देशको मेरुदण्ड नै कृषि भएको भन्दै उहाँले कृषि क्षेत्रको विकासका लागि स्थानीय सरकार प्रमुखको हैसियतले सहजीकरण गर्ने बताउनुभयो । पशुपन्छी सम्बन्धि औषधी व्यवसाय दर्ता तथा नवीकरणका लागि परेको नीतिगत समस्या समाधानको लागि पनि सहजीकरण गर्ने उहाँले प्रतिबद्धता व्यक्त गर्नुभयो । औषधी व्यवस्था विभागको महानिर्देशक नारायण प्रसाद ढकालले व्यवसायीको लागि समयमा तालिम आयोजना गर्न नसक्नु आफुहरुको कमजोरी भएको स्वीकार गर्दै झुटा विवरण दिएर लाइसेन्स लिनेहरुको लाइसेन्स नवीकरण नहुने स्पष्ट पार्नुभयो । व्यवसायीले एन्टिवायोटिक प्रयोग नगरेको दाबी गर्दै आएपछि किसानसम्म एन्टिवायोटिक पुगिरहेको उहाँले बताउनुभयो । नेपाल पशुपंक्षी औषधी पैठारी कर्ता संघको अध्यक्ष रेवती रमण निरौलाले पशुपंक्षी व्यवसायीलाई हरेक दुई वर्षमा पुर्नताजगी कोर्षको तालिम दिनुपर्ने बताउनुभयो ।

महाधिवेशनमा भोलि बन्दसत्र हुँदैछ । महाधिवेशनबाट एक अध्यक्ष, तीन उपाध्यक्ष, एक महासचिव, एक सचिव, एक कोषाध्यक्ष, एक महिला सदस्य, चार खुल्ला सदस्य, सातै प्रदेशबाट एक÷एक जना सदस्य, मनोनीत एक जना सदस्य र निवर्तमान अध्यक्ष पदेन रहने गरी २१ सदस्यीय नयाँ कार्यसमिति दुईवर्षे कार्यकालका लागि निर्वाचित हुने छ ।

पौष २३, भरतपुर– शहीदचोकमा प्रधान कार्यालय रहेको हंस बहुउद्देश्यीय सहकारी संस्था लिमिटेडले नयाँ सेयर सदस्यहरुका लागि एक दिने सहकारी शिक्षा अभिमुखिकरण कार्यक्रम भरतपुर १६, विजयनगरमा सोमबार सम्पन्न गरेको छ ।
कार्यक्रममा प्रमुख अतिथिको रुपमा बोल्दै संस्थाकी सचिव शरद शर्मा पौडेलले सदस्यहरुको आर्थिक, सामजिक, शैक्षिक समस्या समाधान गर्न सहकारी स्थापना भएको बताईन । सहकारी संस्था सञ्चालक समितिको मात्र नभई सदस्यहरुले पनि आफू मालिक हो भन्ने कुरा विर्सन नहुनेमा उनले जोड दिईन। संस्थाले सदस्यहरुको हितसँगै सामाजिक उत्तरदायित्व बहन गर्दै विभिन्न सामजिक क्रियाकलाप पनि गर्दै आएको बताइन।  सहकारी शिक्षाको कमी हुँदा सहकारी अघि बढ्न नसक्ने भएकोले आफ्ना सदस्यलाई सहकारी सम्बन्धी प्रर्याप्त ज्ञान हुन आवश्यक रहेको र पछिल्लो पटक केही सहकारीमा वेथिति हुँदा सहकारीको बदनाम भईरहेको उल्लेख गर्दै उनले सहकारीका सञ्चालकहरुको बारेमा बुझेर मात्र सहकारीमा आवद्ध हुन आग्रह गरिन।
सहकारीका आधारभूत ज्ञान, सहकारीले प्रदान गर्ने सेवा, बचत र ऋण कारोबार, सहकारी नीति, नियम, कानून लगायतका विषयमा जानकारी दिने उद्धेश्यले सहकारी शिक्षा कार्यक्रम गरिएको संस्थाका शिक्षा उपसमिति संयोजक देशबन्धु अधिकारीले जानकारी दिए । संस्थाको स्थापना र उद्देश्यबारे जानकारी गराउँदै संयोजक अधिकारीले सहकारीले सदस्यहरुको हितमा समान ढंगले सेवा प्रदान गरिरहेको स्पष्ट परेका थिए।
उक्त कार्यक्रमको सहजीकरण हंस बहुउद्देश्यीय सहकारी संस्था लिमिटेडका प्रबन्धक नारायण प्रसाद सापकोटाले  गरेका थिए। संस्थाको विजयनगर सेवाकेन्द्र अन्तर्गतका नयाँ सदस्यहरुलाई लक्षित गरी आयोजना गरिएको कार्यक्रममा संस्थाका संचालक सदस्य एवं सेवाकेन्द्र उपसमिति संयोजक ध्रुबकुमार ओझा, सदस्यहरु शंकर अधिकारी, इश्वरी देवी घिमिरे, रमा ढुंगाना, सेवाकेन्द्र प्रमुख श्रीकृष्ण श्रेष्ठ लगायतको उपस्थिति रहेको थियो।