समाचार

बैशाख २९, चितवन ।

तस्विर : कोमल चन्द्र भगत

चितवनको पर्यटकीय नगरी सौराहाका व्यवसायीहरुले सौराहा भ्रमण गर्न कर्णाली प्रदेशबासीहरुलाई निन्ता दिएका छन् । स्थानीय सरकारको रुपमा रहेको रत्ननगर नगरपालिका र क्षेत्रीय होटल संघ चितवनको नेतृत्वमा सुरु भएको घुमौ सौराहा अभियान लिएर सुर्खेत पुगेको टोलीले हात्ती चढेर गैंडा हेर्न सौराहा आउन कर्णाली प्रदेशबासीलाई निम्ता दिएका हुन् । अभियानमा सहभागी टोलीले कर्णाली प्रदेशका मुख्यमन्त्री यामलाल कंडेल सहित सम्पूर्ण प्रदेशबासीलाई सौराहा भ्रमणको निम्ता दिइएको संघका महासचिव महेश खनालले जानकारी दिए । सौराहा सहित चितवनको पर्यटनसंग कर्णालीलाई जोडेर दुबै प्रदेशमा पर्यटन विकासको लागि प्रर्वद्धनात्मक कार्यक्रम आयोजना गरिएको थियो । सो अबसरमा मुख्यमन्त्री यामलाल कंडेलले सौराहा र कर्णालीका पर्यटकीय स्थलहरुलाई जोड्न आग्रह गर्दै कर्णालीमा अद्भूत प्राकृतिक सम्पदा रहेको बताए । कर्णालीका पर्यटकीय स्थल पर्यटकको पर्खाइमा रहेको बताउदै सौराहा आउने पर्यटकलाई कर्णाली ल्याउने गरी संस्थागत सम्बन्ध स्थापित गर्न मुख्यमन्त्री कंडेलले प्रस्ताव गरे । उनले पर्यटन व्यवसायीहरुलाई कर्णालीमा व्यवसाय विस्तार गर्न आग्रह गर्दैै कर्णालीमा आउने लगानीकर्तालाई प्रदेश सरकारले आवश्यक सहयोग गर्ने विश्वास दिलाए ।

कार्यक्रममा क्षेत्रीय होटल व्यवसायी संघ चितवन–सौराहाका अध्यक्ष ओमप्रकाश पाण्डेले कोरोनापछिको समयमा स्वदेशी पर्यटकको संख्यामा आएको गिरावटले उद्योग प्रभावित भएको भन्दै सौराहाको प्रवद्र्धन गर्न यो अभियान सञ्चालन गरिएको बताए । सौराहा पर्यापर्यटन र साँस्कृतिक हिसाबले आकर्षक गन्तव्य रहेको बताउँदै अध्यक्ष पाण्डेले सौराहा घुम्नका लागि कर्णालीवासीलाई आग्रह गरे । उनले कर्णाली प्रदेशमा पनि पर्यटन अपार संभावना रहेको चर्चागर्दै सौराहा र कर्णालीलाई जोड्ने योजना बनाउने प्रतिबद्धता जनाए । अध्यक्ष पाण्डेले नेपाल आउने कुल पर्यटकमध्ये १० प्रतिशत मात्रै कर्णाली ल्याउन सके पनि कर्णालीको पर्यटन क्षेत्रमा उल्लेखनीय परिवर्तन ल्याउन सकिने दाबीगरे । कर्णालीका पर्यटन व्यवसायीहरूसँग सहकार्य गर्दै काम गर्न आफूहरु तयार रहेको उनले बताए । कार्यक्रममा उद्योग वाणिज्य महासंघ कर्णाली प्रदेशका अध्यक्ष पदमबहादुर शाहीले कर्णालीका पर्यटन व्यावसायीहरु अभियानको साथमा रहेको प्रतिबद्धता जनाए । उनले कर्णालीको प्रर्यटन प्रवद्र्धनका क्षेत्रमा सहकार्य गर्न पनि आग्रह गरे । सुर्खेतका प्रमुख जिल्ला अधिकारी जगदिश्वर उपाध्यायले देशको कुल गार्हस्थ उत्पादनमा निजी क्षेत्रको महत्वपूर्ण योगदान रहेको उल्लेख गर्दै सरकार र निजी क्षेत्रको सहभागिताबाट मात्रै पर्यटन प्रवद्र्धनमा टेवा पुग्ने बताए । पर्यटन तथा जलविद्युत क्षेत्रबाट आन्तरिक राजस्व संकलनमा सरकारलाई प्राथमिकता दिन आग्रह गरे । रेवान सौराहाका पूर्व अध्यक्ष राजन भट्टले आन्तरिक पर्यटनको विकासको लागि तीनै तहको सरकारले चासो दिनुपर्नेमा जोड दिए । क्षेत्रीय होटल संघ नेपाल चितवन सौराहाका उपाध्यक्ष तथा अभियानका संयोजक गुणराज थपलियाले सौराहा चितवन राष्ट्रिय निकुञ्जसँग जोडिएको मुख्य प्रवेशद्वार रहेको भन्दै सौराहामा हात्ती चढेर गैंडा हेर्न सकिने बताए ।

सौराहामा हाल १५० भन्दा बढी होटल, १०० वटा रेस्टुरेन्ट, ९ हजार बेड क्षमता, ठूलो संख्यामा जिप सफारी सेवा, सरकारी तथा निजी गरी ११६ वटा हात्ती र एक हजारदेखि २५०० क्षमताका सभाहलहरू रहेको उनले जानकारी दिए । बैशाख २५ गतेबाट सुरु भएको घुमौ सौराहाको अभियान तीन प्रदेशमा पुग्ने छ । पहिलो बद्रिया, दोस्रो दिन महेन्द्रनगर र तेस्रो दिन सुर्खेत पुगेर सौराहा भ्रमण गर्न आउन निम्ता दिएको हो । अभियान अन्तर्गत पश्चिम नेपालको यात्रा ३० गते सम्म जारी रहेको छ । वि।सं। २०३० सालमा चितवन राष्ट्रिय निकुञ्जको घोषणा भएर २०३१ साल देखि चितवन, सौराहा र मेघौली क्षेत्रमा टेन्टबाट पर्यटन व्यवसाय विकास र प्रवद्र्धनको सुरुवात भएको इतिहास छ । सौराहामा थारु संस्कृति झल्कने कटेज शैलीका होटेलहरूको साथै पश्चिमी शैलीको होटल र रिसोर्टहरू, रेस्टुरेन्टहरू, इन्टरनेट क्याफेहरू, र उपहार पसलहरूले भरिएको सानो शान्त शहरमा परिणत हुँदै गएको छ । सौराहा संग जोडिएको चितवन राष्ट्रिय निकुञ्जमा लोपोन्मुख पाटे बाघ, दुर्लभ एक सिंगे गैंडा, भालु, चितुवा, मगर गोही, घडियाल गोही, गौर गाई, निलगाइ, जंगली हात्ती र बाँदरहरू र सयौं प्रजातिका चराहरू र पुतलीहरू छन् । सौराहामा पर्यटक भित्र्याउन हरेक बर्ष चितवन हात्ती तथा पर्यटक महोत्सव र सौराहा फुड फेस्टिबल आयोजना हुँदै आएको छ ।

बैशाख १७, रत्ननगर ।
रत्ननगर । पूर्वी चितवन रत्ननगरमा सुरक्षित आप्रावासन९सामी० कार्यक्रम सम्बन्धी सरोकारबालाहरु बीच अन्र्तक्रिया तथा अभिमुखीकरण कार्यक्रम गरिएको छ । रत्ननगरमा सञ्चालिन सुरक्षित आप्रावासन (सामी) कार्यक्रम अन्तर्गत गरिएको कामहरुको समीक्षा तथा प्रभावकारिताको विषयमा जनप्रतिनिधि तथा कर्मचारीहरुलाई जानकारी गराउने उद्देश्यले कार्यक्रम आयोजना गरिएको सुरक्षित आप्रावासन९सामी० कार्यक्रमका स्रोत व्यक्ति विश्वास श्रेष्ठले जानकारी दिए । कार्यक्रममा सुरक्षित आप्रावासन९समी० कार्यक्रमका जिल्ला संयोजक सुर्यप्रसाद पौडेलले बैदेशिक रोजगारीको बर्तमान अबस्था र स्थानीय तहमा सुरक्षित आप्रावासन कार्यक्रमको प्रभावकारिताको विषयमा सहजीकरण गरेका थिए । उनले राष्ट्रिय रुपमा कामको सिलसिलामा बैदेशिक रोजगारीमा जाने युवाहरुको संख्या, प्रदेश र स्थानीय तह सम्मको तथ्याङका प्रस्तुत गरेका थिए । उनले नेपालबाट श्रमस्विकृति लिएर प्रतिबर्ष पाँच लाख युवायुवती बैदेशिक रोजगारीमा जाने गरेको जानकारी दिए । उनले बैदेशिक रोजगारीले समाजमा पारेको असर र त्यसका सकारात्मक पक्षहरुको विषयमा सहभागीहरुलाई जानकारी गराएका थिए । रत्ननगरमा सामी कार्यक्रमका स्रोत व्यक्ति श्रेष्ठले सुरक्षित आप्रावासन कार्यक्रम अन्तर्गत नगर स्तरमा भएका कामहरुको बारेमा सहजीकरण गरेका थिए । कार्यक्रमको प्रमुख अतिथि कार्यबहाक नगर प्रमुख कुलप्रसाद सापकोटा रहेका थिए । सामाजिक विकास समितिका संयोजक वालकृष्ण चापागाईको अध्यक्षतामा भएको कार्यक्रममा वडाध्यक्षहरु अनन्त अधिकारी, आशिक तामाङ, कृष्ण चौधरी, किरण महतो, सजना महतो, रामकुमार चौधरी सहित विषयगत शाखा प्रमुखहरुको उपस्थिति रहेको थियो ।