समाचार

फागुन ०६, नुवाकोट । नुवाकोटको दुप्चेश्वर गाउँपालिकामा नेपाली कांग्रेस र नेकपा एमालेलाई ठुलो सांगठनिक झट्का लागेको छ। बुधबार आयोजित एक विशेष कार्यक्रमका बीच नेपाली कांग्रेस र नेकपा एमाले परित्याग गरी ५० जना भन्दा बढी सक्रिय नेता तथा कार्यकर्ताहरू नेपाल कम्युनिस्ट पार्टीमा प्रवेश गरेका हुन्।

नवप्रवेशीहरूलाई नेपाल कम्युनिस्ट पार्टीका प्रभावशाली नेता तथा प्रतिनिधि सभा सदस्य उम्मेदवार हितबहादुर तामाङले खादा र अबिर लगाएर पार्टीमा स्वागत गरे । स्वागत गर्दै नेता तामाङले अबको विकास र समृद्धिको नेतृत्व कम्युनिस्ट पार्टीले मात्र गर्ने दाबी गर्दै नयाँ सदस्यहरूलाई पार्टीमा उचित जिम्मेवारी र सम्मान दिइने प्रतिबद्धता व्यक्त गरे ।

दुप्चेश्वरका विभिन्न टोल र बस्तीबाट नेपाली कांग्रेस परित्याग गरी कम्युनिस्ट पार्टी रोज्नेहरूमा रोश बहादुर तामाङ, सानु कान्छा तामाङ, होम बहादुर तामाङ,, चैनामा तामाङ, भिम बहादुर तामाङ हुन् ।

त्यसैगरी दुप्चेश्वरकै अन्य क्षेत्रबाट इनामा तामाङ, लाल माया तामाङ, काली तामाङ, मरफिले तामाङ, कान्छी तामाङ, काले तामाङ, मिने तामाङ, गोरे तामाङ, कृष्ण बहादुर, पूर्ण बहादुर र हरि बहादुर तामाङ लगायतका ५० भन्दा बढी कार्यकर्ताहरूले सामूहिक रूपमा पार्टी प्रवेश गरेका छन् । अहिलेका जेन जि पुस्ताका युवाहरु पनि नेपाली कम्युनिस्ट पार्टिमा प्रवेश गर्नुले नुवाकोट क्षेत्र नम्बर १ तारामय बनेको हो।

पार्टी प्रवेश गर्ने कार्यकर्ताहरूले नेपाली कांग्रेसको वर्तमान कार्यशैली र नीतिप्रति असन्तुष्टि जनाउँदै मुलुकको समृद्धिका लागि कम्युनिस्ट विचार नै उत्तम रहेको उल्लेख गरेका छन् । दुप्चेश्वरमा भएको यो ठुलो राजनीतिक ध्रुवीकरणलाई आगामी निर्वाचनको तयारी नेपाली कम्युनिस्ट पार्टीको बढ्दो प्रभावका रूपमा हेरिएको छ। कार्यक्रममा कम्युनिस्ट पार्टीका अन्य स्थानीय नेता तथा कार्यकर्ताहरूको पनि बाक्लो उपस्थिति रहेको थियो।

माघ २६, भरतपुर।

भरतपुर महानगरपालिका–११, बसेनी लामाटोलस्थित ऐतिहासिक किरातेश्वर शिव मन्दिरको संरक्षण, सम्वद्र्धन तथा धार्मिक–सांस्कृतिक पर्यटन प्रवद्र्धन गर्ने उद्देश्यले संगीतमय श्रीमद्भागवत सप्ताह, शिव महिमा ज्ञानमहायज्ञ तथा भव्य श्रृंगारिक महाआरती सुरु भएको छ ।
सनातन हिन्दुधर्मको संरक्षण र सम्बर्दनमा यस्ता महोत्सवले सचेतनामुलक काम गर्ने कार्यक्रमका प्रमुख अतिथी वडा नम्वर ११ का वडा अध्यक्ष कमल बहादुर मल्लले बताउनु भयो । भरतपुर महानगरपालिका वडा नम्वर ११ का लागि धार्मिक पर्यटन प्रर्वद्धनका लागि यो मन्दिरले निकै महत्वपूर्ण भूमिका खेल्ने बताउनु भयो । वडा नम्वर ११ स्वयमले अपनत्व लिएर गर्नुपर्ने काम मन्दिर संरक्षण समिति र स्थानियको सहभागितामा संरक्षण गर्ने उदेश्यका साथ आयोजित सप्ताह ज्ञानमहायज्ञको सफलताको शुभकामना दिनु भयो ।
कार्यक्रम एवं मन्दिर संरक्षण समितिका अध्यक्ष विष्णु प्रसाद विडारीले महायज्ञ २०८२ माघ २५ गतेदेखि सुरु भएको फाल्गुन ३ गतेसम्म सञ्चालन हुने बताउनु भयो । कार्यक्रमको पुर्वसन्ध्यामा वडा नम्बर ११ का आमा समूहका आमा दिदी बहिनीहरुको शोभा यात्रामा सहभागिता रहेको थियो । कलश यात्रा मन्दिर परिसरबाट सुरु भई बसेनी, गौरेश्वर मन्दिर पोखरा वसपार्क हुदै नारायणीमा गएर कलशमा जल ल्याई गणेशधाम, कैलाशेश्वर मन्दिर, जखडी माई मन्दिर हुदै पुन मन्दिर परिसर आएर समापन भएको थियो । कलश यात्रामा करिब एक हजार जनाको सहभागिता रहेको थियो ।

महायज्ञमा सुप्रसिद्ध कथावाचक सम्राट गुरु पंण्डीत भीमकान्त भागवतले श्रीमद्भागवत कथा वाचन गर्नुहुने भएको थियो । महायज्ञ सत्संकल्पकर्ता तथा श्रृंगारिक महाआरती प्रमुखका रूपमा गुरु पंण्डीत पुरुषोत्तम भट्टराईको नेतृत्व रहेको आयोजक समितिका सचिव शोभा पोख्रेलले बताउनु भयो ।
कार्यक्रमको मुख्य उद्देश्य किरातेश्वर शिव मन्दिरको भौतिक पूर्वाधार विकास, पुजारी भवन निर्माण, हवनकुण्ड निर्माण, अक्षयकोष स्थापना तथा १०८ शिवलि∙ स्थापना रहेको आयोजक समितिका आर्थिक उप समितिका संयोजक मोहनिधी तिवारीले बताउनु भयो । यसका साथै मन्दिर क्षेत्रलाई आन्तरिक तथा धार्मिक पर्यटनको महत्वपूर्ण केन्द्रका रूपमा विकास गर्ने लक्ष्य लिइएको छ।
महायज्ञ अवधिभर राष्ट्रिय स्तरका ख्यातिप्राप्त कलाकारहरूको सहभागितामा भजन–कीर्तन, देवलिला झाँकी, चेतनामूलक नाटक तथा सांस्कृतिक कार्यक्रमहरू प्रस्तुत गरिने तिवारीको भनाई छ । फाल्गुन ३ गते महाशिवरात्रिको अवसरमा लाखबत्ती प्रज्वलन र विशेष महाआरती गरिने कार्यक्रम रहेको छ। आर्थिक उपसमितिका संयोजक तिवारीले धर्मप्रेमी संघ–संस्था, टोल सुधार समिति, आमा समूह, स्थानीयवासी तथा भक्तजनहरूलाई परिवारसहित उपस्थित भई तन, मन, धन र वचनबाट सहयोग गर्न अनुरोध गुर्नभएको छ। दानदाताहरूलाई सम्मानपत्र, रामनामी, शिलालेखमा नाम अंकित तथा पञ्चेबाजा सहित सम्मान गरिने व्यवस्था गरिएको संयोज तिवारीले बताउनु भयो । महायज्ञले धार्मिक चेतना अभिवृद्धि गर्नुका साथै स्थानीय पर्यटन, संस्कृतिको संरक्षण र सामाजिक एकतामा महत्वपूर्ण योगदान पुग्ने विश्वास आयोजकको रहेको छ।