समाचार

रत्ननगर, चैत २८ । नेपाल कम्युनिष्ट पार्टी (एमाले) कालिका-१ वडा कमिटी गडुवामा नयाँ वडा कमिटी गठन गरिएको छ । वडा कमिटीका अध्यक्ष रामु वम्जनको अध्यक्षतामा सम्पन्न दोस्रो वडा अधिवेशन तथा प्रशिक्षण कार्यक्रममा १७ सदसीय नयाँ कालिका-१ वडा कमिटी गठन गरेको हो । जस्को अध्यक्षमा बलराम श्रेष्ठ, उपाध्यक्ष पवित्र लामा, सचिव रुपेन्द्र स्याङ्दान, उपसचिव साबित्री चापागाई, सन्देश राई र सदस्यहरुमा टुकमाया सोती, एन्जिला श्रेष्ठ, ढोलनाथ चापागाई, लक्ष्मी परियार, मोतिमाया वि.क, आशा तामाङ, जीवन लामा, सरस्वती खत्री, खगेन्द्र शर्मा चापागाई, काजिमान मगर, शर्मिला चापागाई, पंचविर घिसिङ सर्वसम्मत निर्वाचित भएका हुन् । कार्यक्रमका प्रमुख अतिथि बागमती प्रदेश सरकारका आर्थिक मामिला तथा योजना मन्त्री जगन्नाथ थपलियाले कहि कतै पनि विचलित नभएर गौरव गर्न लायक पार्टी एमालेमा सक्रिए भएर लाग्न अनुरोध गरे । कालिकाका हरेक समस्याहरु बिस्तारै बिस्तारै नेकपा एमालेले समाधान गर्दै गईरहेको बताए । कार्यक्रममा एमाले जिल्ला उपाध्यक्ष कमल पाठक, एमाले जिल्ला कमिटी सदस्य तथा बागमती प्रदेश २ (क) का ईन्चार्ज बिनोद रेग्मी, नगर कमिटी अध्यक्ष केशव लामा, प्रदेश कमिटी सदस्य तथा जनतासंग एमाले अभियान २०८० का संयोजक खुमनारायण श्रेष्ठ, ऐमाले जिल्ला कमिटी सदस्य तथा कार्यक्रमकी सह संयोजक बिमला तामाङ, नगर कमिटी तथा वडा कमिटी सदस्यहरुको उपस्थिति रहेको थियो । कालिका-१ वडा कमिटीका सचिव बलराम श्रेष्ठले सञ्चालन गरेको कार्यक्रममा नगर कमिटी सचिवालय सदस्य कृष्ण घिमिरेले स्वागत मन्तव्य राखेका थिए ।

चितवन, चैत २८ ।  तस्विर: अर्जुन गुरुङ्ग । भरतपुर महानगरपालिकाको आयोजनामा मंगलबार आर्थिक वर्ष ०८०/०८१ को दोस्रो चौमासिकमा भएका कामको सार्वजनिक सुनुवाइ कार्यक्रम सम्पन्न भएको छ । कार्यक्रमलाई सम्बोधन गर्दै महानगर प्रमुख रेनु दाहालले जनतासँग प्रतिबद्धता गरे अनुरुपको काम क्रमशः पुरा हुँदै गएको बताउनुभएको छ । अलपत्र बनेको गौतमबुद्ध अन्तर्राष्ट्रिय क्रिकेट रंगशाला, विमानस्थल विस्तार र नारायणीमा निर्माण हुने सिग्नेचर ब्रिजकडो कामले गति लिएको बताउनुभयो । यसमध्ये ल्याण्डफिल साइट निर्माण गर्ने कार्य बाँकी रहेको उल्लेख गर्नुभयो । ल्याण्डफिल साईटको अहिले डिपिआर र ईआईएको काम अन्तिम चरणमा रहेको जानकारी दिनुभयो । महानगरपालिकाले दिगो फोहर व्यवस्थापनका लागि भरतपुर ११ मा रहेको जलदेवि सामुदायिक वनमा १६ विघा क्षेत्रफलमा ल्याण्डफिल साईड निर्माण गर्न लागेको छ । अहिले स्थायी रुपमा भरतपुर ३ को नगर वन नजिकै फोहरलाई डम्पपिङ गरिरहेको छ । मंगलबार भरतपुर १४ को शिवनगरको नारायणी विद्या मन्दिर माध्यमिक विद्यालयमा एकान्टेविलिटी इनिसियटिभ प्रालिको संयोजनमा भएको कार्यक्रममा भरतपुर महानगरपालिकाका प्रमुख कार्यकारी अधिकृत नरेन्द्र कुमार रानाले दोस्रो चौमासिक प्रगति प्रतिवेदन प्रस्तुत गर्नुभएको थियो । कार्यक्रममा एक दर्जन बढी सहभागीले भरतपुर महानगरपालिका र अन्य सेवा प्रवाह निकायहरूले प्रदान गर्ने कामबारे गुनासो एवम् सुझाव राखेका थिए ।

सहभागीहरूले कृषि क्षेत्रमा देखिएका समस्या, फोहर व्यवस्थापन, सिँचाई, रुग्ण आयोजना, ड्रेनको निर्माण, स्वास्थ्य समस्या, सुकुम्बासी समस्या, सार्वजनिक शौचालय, प्रतिक्षालयबारे प्रश्न सोधेका थिए । प्रमुख दाहालले भरतपुरमा देखिएको फोहर व्यवस्थापनको कामलाई उच्च प्राथमिकतामा राखेर अघि बढेको उल्लेख गर्नुभयो । महानगरपालिकालाई स्माट सिटी निर्माण गर्ने योजना अनुरूप अन्य कार्यहरु निर्वाध रुपमा अघि बढे पनि फोहर व्यवस्थापनका लागि ल्याण्ड फिल्ड साईट निर्माण गर्ने कार्यलाई प्राथामिकताका साथ अघि बढाइने उल्लेख गर्नुभयो ।
भरतपुरको वडा नम्बर ३ मा अटो भिलेज निर्माण गर्न गुरुयोजना निर्माण भएपनि स्थानीयको अवरोधका कारण निर्माण हुन नसकेको प्रष्ट पार्नुभयो । भरतपुरको लागि अति महत्वपूर्ण आयोजना बधशाला निर्माणका लागि भरतपुर १ को ठिमुरा पहिचान गरी दातृ निकायको प्राविधिक सहयोग र संघीय सरकारबाट बजेटको सुनिश्चित गरेपनि त्यो स्थानमा स्थानीयको अवरोधपछि रोकिएको जानकारी दिनुभयो । महानगरपालिकाले सार्वजनिक सुनुवाईमार्फत आएका सुझावलाई ग्रहण गर्दै आगमी कार्यदिशा तय गर्ने पनि उल्लेख गर्नुभयो ।
यसैबिच महानगरले प्रस्तुत गरेको दोस्रो चौमासिक प्रतिवेदन अनुसार आर्थिक वर्ष २०८१/०८२ हालसम्म ८२ करोड ८७ लाख ४३ हजार १ सय ९ रुपैयाँ राजस्व संकलन गरेको छ । यो प्रक्षेपण गरेको रकमको ४७ प्रतिशत हो । अघिल्लो आर्थिक वर्षको यही समयमा जम्मा ३९ करोड राजस्व संकलन गरेको थियो । यो २७ प्रतिशत हुन आँउछ । गत वर्षको तुलनामा यो वर्ष राजस्व संकलनमा उल्लेखिय वृद्धि भएको तथ्याङले देखाएको छ । महानगरले हालसम्म कुल बजेटको ३६ प्रतिशत खर्च भएको जनाएको छ । आव ०८०/८१ का लागि रु ६ अर्ब ४१ करोड ७२ लाख २० प्रतिशत बजेट विनियोजन गरेको थियो । त्यसमध्ये रु २ अर्ब २६ करोड ४६ लाख ३० हजार खर्च भएको छ । महानगरले चालु बजेटतर्फ रु २ अर्ब ६९ करोड ८ लाख ६४ हजार रुपैयाँ विनियोजन भएकोमा रु १ अर्ब ३४ करोड २२ लाख १९ हजार खर्च भएको जनाएको छ । जुन चालुतर्फको समग्र बजेटको ४९ प्रतिशत हो । यस्तै पुँजीगत बजेट तर्फ ३ अर्ब ७२ करोड ६३ लाख ६६ हजार रुपैयाँ विनियोजन भएकोमा ९२ करोड २४ लाख ११ हजार खर्च भएको महानगरले जनाएको छ । जुन समग्र पुँजीको २५ प्रतिशत हो । महानगरपालिकाका कार्यकारी अधिकृत रानाले निर्माण व्यवसायीलाई भुक्तानी दिन बाँकी रहेकाले पुँजीगत खर्च कम देखिएको बताउनुभयो । अबको ४ महिनामा यो अहिलेको तुलनामा बढेर जाने स्पष्ट पार्नुभयो । कार्यक्रममा भरतपुर महानगरपालिकाका उपप्रमुख चित्रसेन अधिकारी, प्रमुख जिल्ला अधिकारी भूपेन्द्र बस्नेतले सहभागीले उठाएको प्रश्नको जवाफ दिनुभएको थियो ।

चैत २७, भरतपुर ।

तस्विर : कोमल चन्द्र भगत ।

चितवन उद्योग संघ र कम्प्युटर एशोसियसन नेपाल महासंघ (क्यान) चितवनको आयोजनामा भरतपुरमा औद्योगिक प्रदर्शनी तथा सूचना प्रविधि मेला हुने भएको छ । उद्योग संघ चितवनको प्रदर्शनी केन्द्रमा हुने मेला आगामी वैशाख ७ गतेदेखि ११ गतेसम्म हुने आयोजकले मंगलवार पत्रकार सम्मेलन गरी जानकारी दिएको हो । मेलामा औद्योगिक र सूचना प्रविधि सम्बन्धि राष्ट्रिय तथा अन्तर्राष्ट्रिय गरी १५० वटा स्टल रहने चितवन उद्योग संघका उपाध्यक्ष एवम् प्रदर्शनी विभागका संयोजक दिनुपकुमार बरालले बताए । त्यसमध्ये, सात वटै प्रदेशका उद्योग मन्त्रालयको सिफारिसमा तीन–तीन वटा निःशुल्क स्टल रहनेछन् । मेलाको स्वदेशी तथा विदेशी गरी २५ हजार जनाले अवलोकन गर्ने अनुमान गरिएको छ भने निःशुल्क प्रवेशको व्यवस्था गरिएको छ ।

मेलाले लघु, घरेलु तथा साना उद्योगलाई उपयोगी हुने नविनतम प्रविधि अनुसरणा गरी औद्योगिक उत्पादकत्व बृद्धिमा सहयोग पु¥याउने, कृषिजन्य उद्योग, पर्यटन, स्वास्थ्य, प्रविधि लगायतका सेवाजन्य उद्योग एवम् उत्पादनमुलक उद्योगको प्रवद्र्धन गर्ने र व्यवसायी–व्यवसायी तथा व्यवसायी–उपभोक्ता भेटघाटका माध्यमबाट राष्ट्रिय उत्पादनको बजारीकरणको लागि सहयोग पु¥याउने अपेक्षा गरिएको छ । त्यस्तै, प्रदर्शनीका क्रममा स्वदेशी एवम् विदेशी उद्योगीहरुका बीच प्रत्यक्ष भेटघाटका माध्यमबाट हुने छलफलबाट औद्योगिक उत्पादनको चरणमा वस्तुको बजार र उपभोक्ता आकर्षण गर्न, ब्राण्डिङ, लेबलिङ र प्याकेजिङ प्रक्रियाका सम्बन्धमा अभिबृद्धि गर्न तथा व्यावसायिक सम्बन्ध स्थापित गर्न सहयोग पुग्ने बरालले बताए । मेला अवधिभर शुन्य प्रतिशत व्याजदर सहित किस्ताबन्दी सुविधामा ल्यापटप खरिद गर्न र कम्प्युटर, ल्यापटप तथा प्रिन्टरहरुको निःशुल्क मर्मत गरिने क्यान चितवनका अध्यक्ष टेकलाल भुषालले बताए । अनलाइनबाट रजिष्ट्रेशन गरी आउने अवलोकनकर्तामध्ये दैनिक तीन जनालाई गोलाप्रथाको माध्यमबाट आकर्षक पुरस्कार प्रदान गरिने उनले जानकारी दिए । मेला अन्तर्गत नै क्यान चितवनसँगको सहकार्यमा ‘चितवनको सम्बृद्धि सूचना प्रविधि’ भन्ने मुख्य उद्धेश्य राखि टेकमाइण्ड्स नेटवर्क क्यान इन्फो टेक चितवन २०८१’ आयोजना हुने उनले बताए । उक्त प्रदर्शनी अवधिभर टेकमाइण्ड इन्टरनेट जडान गर्ने अवलोकनकर्तालाई विशेष सहुलियत प्याकेज उपलब्ध हुने बताइएको छ ।