समाचार

काठमाण्डौ, १७ भदौ ।
ग्लोकल प्रा. लि. द्वारा आयोजित “गोल्छा ग्रुपद्वारा प्रस्तुतग्लोकल टीन हिरो २०२४” रुकुमका १९ वर्षीय कार्यकर्ता घनश्याम विश्वकर्माले, जित्न सफल भएका छन्। ग्लोकल टिन हिरोले विगत दशकदेखि विभिन्न क्षेत्रमा विशिष्टता हासिल गर्ने किशोरकिशोरीहरुलाई सम्मानित गर्दै आएको छ, जसले समुदायमा महत्वपूर्ण योगदान दिएका छन्। ग्लोकल टिन हिरो नेपालले किशोर किशोरीहरूको सृजनात्मकता, उत्साह र योगदानलाई गहिरो रूपमा कदर गर्दै उनीहरूलाई ग्लोबल र लोकल डोमेनमा सकारात्मक परिवर्तन ल्याउन उत्प्रेरित गर्ने लक्ष्य राखेको छ।शिक्षा, उद्यमशीलता, कूटनीति, एवम अन्य विविध क्षेत्रका ब्यक्तित्वहरुको उपस्थितीमा आज अवार्ड कार्यक्रमको बीच ग्लोकल टीन हिरो नेपाल, २०२४ को घोषणा द् सोल्टी काठमाडौमा गरिएको हो । 
गोल्छा ग्रुपद्वारा प्रस्तुत ग्लोकल टिन हिरोका अन्तिम ६ प्रतिस्पर्धी आशिष पन्थी, प्राविधिक शिक्षक, कपिलवस्तु; निश्चल भट्टराई, शैक्षिक कार्यकर्ता, स्याङ्जा; पूर्णिमा तिम्सिना, बाल अधिकार कार्यकर्ता, झापा;सजनी शर्मा, सामाजिक कार्यकर्ता, कास्कीरश्रीजय सुवेदी, प्राविधिक उत्साही, पर्साबीच ग्लोकल टीन हिरोचयन गरिएको थियो ।
घनश्याम विश्वकर्माएक सामाजिक कार्यकर्ता हुन्, जो रुकुमबाट बालबालिका र किशोर किशोरीहरूको अधिकार र भलाइका लागि आठ वर्षभन्दा बढी समयदेखि अभियान चलाउँदै आएका छन्। बाल अधिकार, मानसिक स्वास्थ्य, जलवायु र बाल विवाहको विरुद्धको संघर्षमा उनको समर्पणले समाजमा महत्वपूर्ण प्रभाव पारेको छ। राष्ट्रिय किशोर किशोरीबाल नेटवर्क नेपालका अध्यक्षको रूपमा, उनी बाल अधिकारको वकालतलाई अगाडि बढाउन प्रतिबद्ध छन । उनी विभिन्न संघ–संगठनहरूसँग सहकार्य गर्दै यौन र प्रजनन् अधिकार, मानसिक स्वास्थ्य, जलवायु न्याय, र अनलाइन सुरक्षा जस्ता महत्वपूर्ण मुद्दाहरूको सम्बोधन गर्छन्। उनले बाल यौन शोषण विरुद्धको संघर्ष र रिपोर्टिङ प्रणालीलाई सुदृढ पार्न शैक्षिक कार्यशालाहरूको नेतृत्व गर्छन्, जसले युवाहरूलाई आफैंलाई र आफ्ना साथीहरूलाई सुरक्षित राख्न सशक्त बनाउँछ। जलवायु न्यायका लागि अभियन्ताको रूपमा, उनी बालबालिकाको स्वस्थ वातावरणमा अधिकारको बारेमा कार्यशालाहरू आयोजना गर्छन्, जसले भविष्यका पुस्ताहरूको सुरक्षा सुनिश्चित गर्न वातावरणीय दिगोपनाको महत्त्वलाई जोड दिन्छ ।

घनश्यामको बाल अधिकार अभियन्ताका रूपमा गरेको कामले समाजमा ठूलो प्रभाव पारेको छ, जसले बालबालिकालाई सशक्त बनाएको, सचेतना बढाएको, र नीति परिवर्तनहरूलाई प्रभाव पारेको छ। उनले बाल यौन शोषण र जलवायु न्यायका विषयमा सञ्चालन गरेको शैक्षिक कार्यशालाहरूले युवाहरूलाई आफ्ना अधिकार र भलाइको वकालत गर्न आवश्यक ज्ञान र उपकरणहरू प्रदान गरेको छ। उनका प्रतिभा प्रदर्शनीहरूले बालबालिकालाई आफ्नो सिर्जनात्मकता व्यक्त गर्न, आत्मविश्वास निर्माण गर्न, र आफ्ना आवाजहरू विकास गर्न मञ्चहरू प्रदान गर्छन्। उनले बाल अधिकार, बाल विवाह, मानसिक स्वास्थ्य, र अनलाइन सुरक्षाका बारेमा सचेतना जगाउन रेडियो सानोभेरी एफ.एम.मा बाल चौतारी कार्यक्रमको संचालन गर्छन्। कोभिड–१९ महामारीको समयमा, उनले बालबालिका र परिवारहरूको सुरक्षा गर्नका लागि महत्वपूर्ण जानकारीहरू प्रसारणमा महत्वपूर्ण भूमिका खेले, जसले उनीहरूलाई आवश्यक स्रोतहरू र समर्थनहरू उपलब्ध गरायो। उनका सरकारी र गैर–सरकारी संघ–संगठनहरूसँगका सहकार्यहरूले बाल संरक्षण नीतिहरूलाई प्रभावित पारेका छन्, जसमा अनलाइन बाल यौन शोषणको उन्मूलनको प्रयासहरू पनि समावेश छन ।
गोल्छा ग्रुपद्वारा प्रस्तुत ग्लोकल टिन हिरो नेपालको उत्कृष्ट ६ फाइनलिस्टहरूलाई उनीहरूको उपलब्धि, पहल, योगदान र कामको प्रभावको आधारमा अन्तिम चरणका लागि छानिएको थियो । फाइनलिस्टहरूले विभिन्न विषयमा आत्म–क्षमता कार्यशालाहरूमा भाग लिएका थिए र उनीहरूले विभिन्न उद्योगी, कर्पोरेट व्यक्तित्व, कूटनीतिज्ञ व्यक्तित्व र सरकारी व्यक्तित्वहरूसँग अन्तरक्रिया गर्ने अवसर पाए, जसले उनीहरूको ज्ञानलाई विस्तार ग¥यो ।
यस बर्षको निर्णायक टोलीमा Ace Institute of Management का डाइरेक्टर  आशिष तिवारी, कोका–कोला नेपालका कन्ट्री डाइरेक्टर  चन्द्रिका कालिया, डब्लु डब्लु यफ का कन्ट्री डाइरेक्टर डा. घनश्याम गुरुङ, नेपालका लागि युएन वुमनकी प्रतिनिधि, प्याट्रिसिया फर्नान्डेज पाचेको,गोल्छाग्रुप प्रा. लिमिटेडकी डाइरेक्टर सीमा गोल्छा, तथा नेपालका लागि युरोपियन युनियनकी राजदूत भेरोनिक लोरेन्जो रहनु भएको थियो ।
देश भरिका प्रतिभावान किशोर किशोरीहरुलाई एकै साथ ल्याउन हामीसँग विभिन्न सँघ संस्थाहरु साझेदारका रुपमा जोडीएका छन्। ग्लोकल प्रालिले शीर्षक साझेदारको रूपमा गोल्छा गु्रपसँग साझेदारी गरेको छ  रणनीतिक साझेदारको रूपमा भारतीय दूतावास, युरोपेली संघ संघीय गणतन्त्र जर्मनीको दूतावास, युएन वुमेनस पार्ट्नरका रुपमा होन्डा, कोका कोला, डब्ल्यूडब्ल्यूएफ नेपाल, टोयोटा, केएफसी पंचकन्या गु्रप,नबिल बैंक,डिशहोम गो, Ace Institute of Management र रियल् जुस प्रारम्भ साझेदारको रूपमा द् सोल्टी काठमाडौस इन्टरनेट साझेदारको रूपमा वोर्ल्डलिंकस आतिथ्य पार्टनरमा कोजी होमसएयरलाइन्स पार्टनरको रूपमा एति एयरलाइन्स सपी आर साझेदारमा प्रिस्मा एडभरटाईजिंग  आउटरिच पार्टनरको रूपमा NoNextQuestion(NNQ  ई सेवा, नेपाल टेलिकम, पिज्जा हटर आईएमएस गु्रप रहेका छन ।

ग्लोकल टिन हिरोको यात्राले विगत दशकमा युवा नेतृत्व र सामाजिक प्रभावको सम्भावनाहरूलाई नयाँ परिभाषा दिएको छ । यसकोे सुरुआतदेखि नै यो प्रेरणाको एक राष्ट्रिय मञ्चमा परिणत भएको छ, जसले असंख्य किशोर किशोरीहरूको कथाहरू उजागर गरेको छ र उनीहरूलाई आफ्ना समुदायहरूमा सकारात्मक परिवर्तन ल्याउन प्रेरित गरेको छ

काठमाडौं,१७ भदौ ।
निर्माण क्रममै चर्चा रहेको फिल्म ‘दुखी आत्मा’ मा अभिनेता अनुपविक्रम शाही अनुबन्धित् भएका छन् । २४ भदौबाट सुटिङ सुरु गर्न लागिएको फिल्ममा केही समयअघिनै दयाहाङ राई र आँचल शर्मा अनुबन्धित् भइसकेका थिए । कथाको मागअनुसारको चरित्र चयन गर्ने क्रममा अनुपविक्रम फिट लागेकाले उनलाई लिइएको लेखक समेत रहेका निर्देशक दीपेन्द्र लामाले जानकारी दिएका छन् ।
क्लक वर्क कृएसन्सको ब्यानरमा हिमाल कडरिया निर्माता रहेको फिल्म आलोक शुक्लाले खिच्ने छन् । निर्देशक दीपेन्द्र र निर्माता हिमालले यसअघि निर्माण गरेको ‘नाङ्गो गाउँ’ सुपरहिट भएको थियो । ‘दुखी आत्मा’ उनीहरुको दोश्रो सहकार्य हो । दयाहाङ र अनुपविक्रम भने ‘वीर विक्रम’ र ‘लप्पन छप्पन’ पछि ‘दुखी आत्मा’ मा सँगै अभिनय गर्न लागेका हुन् ।
काठमाडौंको सेरोफेरोमा खिचिने सोसियल कमेडी जनराको फिल्ममा दयाहाङ,आँचल,अनुपविक्रमका साथमा बुद्धि तामाङ, पुस्कर गुरुङ,कविता आले,शिसिर वाङ्देल,आशान्त शर्मा,लोकेन्द्र लेखक,अंकित खड्का, लुनिभा तुलाधर,आरती आचार्य,निमा पाण्डे,इंगीहोपो कोइच सुनुवार,यासेली योङहाङलगायतका कलाकारले अभिनय गर्नेछन् । फिल्मका गीतमा सुशान्त गौतमको संगीत र रामजी लामीछानेको कोरियोग्राफी रहने छ । सुदीप ढकाल प्रोडक्शन म्यानेजर रहेको फिल्मको बितरण आरआर फिल्मस्ले गर्नेछ ।

भदौ १७, भरतपुर ।भरतपुर महानगरपालिका वडा नं. १ पोखरा बसपार्कमा आज सोमबार एक बालिका फेला परेकी छन् । दिउंसो १२ः ०० बजेको समयमा नामथर वतन बताउन नसक्ने अन्दाजी वर्ष २ की बालिका फेला परेको जिल्ला प्रहरी कार्यालय चितवनले जानकारी दिएको छ । बालिका वेवारिसे अवस्थामा फेला पारेको हुँदा चिन्नु हुने जो कोही ले नजिकैको प्रहरी कार्यालय तथा यस कार्यालयको सम्पर्क नं. ९८५५०९०१३३ र ९८५५०९०४२२ सम्पर्क गरी जानकारी गराउन चितवन प्रहरी कार्यालयले अनुरोध गरेको छ ।