समाचार

फागुन १५, तनहुं । जबर्जस्ती करणी अभियोगमा दाबी नपुग्ने भन्दै उच्च अदालत पोखराबाट सफाइ पाएका कलाकार पूर्णविक्रम शाह (पल शाह) सोमबार जिल्ला कारागार तनहुँबाट रिहा भएका छन् ।् । बाल यौन दुरुपयोगको अभियोगमा पूर्वी नवलपरासी जिल्ला अदालतबाट दोषी ठहर भएका पूर्णविक्रम (पल) शाहलाई उच्च अदालत पोखराले आइतबार सफाइ दिएको हो । कायममुकायम मुख्य न्यायाधीश डिल्लीराज आचार्य र न्यायाधीश श्रीधराकुमारी पुडासैनीको संयुक्त इजलासले अभियोग दाबी नपुग्ने भन्दै सफाइ दिएको हो । कारागारबाट निस्कदै गर्दा शाहले कष्टकर समयमा पनि आफूलाई साथ दिने सबैलाई धन्यवाद दिएका छन् । कारागारबाट रिहा हुँदै गर्दा सञ्चारकर्मीलाई संक्षिप्त प्रतिक्रिया दिंदै सबैलाई धन्यवाद दिए।’ परिवारका सदस्यबाट घेरिएका उनी छोटो कपाल र कालो ज्याकेटमा प्रफुल्ल देखिएका थिए ।

फागुन १४, तनहुं । बाल यौन दुरुपयोगको मुद्दामा सजाय काटिरहेका अभिनेता पल शाहलाई उच्च अदालत पोखराले सफाइ दिएको छ ।

न्यायाधीश डिल्लीराज आचार्य र श्रीधरा कुमारी पुडासैनीको इजलासले अभियोग दाबी नपुग्ने भन्दै सफाइ दिएको हो । पल शाहका कानुन व्यवसायी कमलामोहन वाग्लेले शाहले सबै अभियोगबाट पूर्ण सफाइ पाएको र भोलि रिहा हुने जानकारी दिनुभयो।

पल शाहलाई जिल्ला अदालत नवलपरासी पूर्वले बाल यौन दुरुपयोगको आरोपमा साढे २ वर्ष कैद र पीडितलाई १० लाख क्षतिपूर्ति दिने फैसला गरेको थियो । उक्त फैसलाविरुद्ध सरकारी वकिल र पल शाह दुबै पक्षले उच्च अदालतमा पुनरावेदन दिएका थिए । एक नाबालिग गायिकालाई बलात्कार गरेको आरोपमा पल शाहविरुद्ध जिल्ला अदालत नवलपरासी पूर्व र जिल्ला अदालत तनहुँमा मुद्दा चलेको थियो । नवलपरासी पूर्वले बलात्कार मुद्दामा सफाइ दिँदै बाल यौन दुरुपयोगमा साढे २ वर्ष कैद र १० लाख क्षतिपूर्ति दिनुपर्ने फैसला गरेको थियो । जिल्ला अदालत तनहुँले भने उनलाई सफाइ दिएको थियो ।

फागुन १४, चितवन । अखिल नेपाल किसान महासंघ चितवनको तेस्रो जिल्ला अधिवेशन सम्पन्न भएको छ। अखिल नेपाल किसान महासंघ राष्ट्रिय समितिका उपाध्यक्ष सुरेन्द्र मोहन शर्माको प्रमुख आतिथ्यतामा भएको कार्यक्रममा अखिल नेपाल किसान महासंघ वागमती प्रदेशका संयोजक कृष्ण प्रसाद अधिकारी, नेकपा एमाले चितवनका अध्यक्ष राम प्रसाद न्यौपाने विशिष्ट अतिथी रहनु भएको थियो । कार्यक्रममा अखिल नेपाल किसान महासंघ चितवनका इन्चार्ज शम्भु सुवेदी, कृषि तथा पशुपंक्षी विभाग चितवनका प्रमुख कृष्ण प्रसाद तिवारी मन्तव्य राख्नु भएको थियो । समितिका उपाध्यक्ष कृष्ण प्रसाद पौडेलले स्वागत मन्तव्य राख्नु भएको कार्यक्रम कृष्ण प्रसाद सापकोटाको अध्यक्षतामा सम्पन्न भएको थियो । कार्यक्रम समितिका सचिव सिपी अधिकारीले सञ्चालन गर्नु भएको थियो । त्यस्तै अधिवेशनले सिपी अधिकारीको अध्यक्षतामा ६५ सदस्यीय नयां कार्य समिति चयन गरेको छ । नेकपा एमाले जिल्ला पार्टी कार्यालय चितवनको सभाहलमा भएको अधिवेशनले सर्वसम्मत नयां कार्य समिति चयन गरेको हो ।