समाचार

चितवन, ११ जेठ । पछिल्ला वर्षहरुमा कुखुरा पालक किसानले अण्डाको लागत मूल्य पाउन नसकेपछि विज्ञ समूह बनाएर अण्डाको वास्तविक लागत मूल्य खोजी गरेका छन् । न्यून मूल्यमा अण्डा बिक्री गर्नु परेपछि अधिकांश किसान विस्थापित हुन थालेपछि लागत मूल्यको खोजी गरिएको हो ।

नेपाल कुखुरा व्यवसायी मञ्चको अग्रसरतामा पोल्ट्री विज्ञ डा। तिलचन्द्र भट्टराई, कृषि तथा वन विज्ञान विश्व विद्यालयका सहप्राध्यापकहरु डा।रेवन्त भट्टराई, डा।सुविर सिंह, उपप्राध्यापक डा।अनन्त दाहाल र डा।विष्णु पोखरेल समूहले अण्डाको वैज्ञानिक लागत मूल्य निकालेको हो ।

मञ्चका निवर्तमान अध्यक्ष राजेन्द्र लामिछानेका अनुसार अण्डा प्रतिगोटा रु।१६।५६ किसानको लागत मूल्य विज्ञ समूहले निकालेको छ । हाल फार्म मूल्य किसानले सरदर रु।१५।३३ पाउने गरेका छन् । लागत मूल्यका बारेमा स्थानीयस्तरमा सरकारी र निजी क्षेत्रसँग छलफल गरेर समर्थन मूल्य निर्धारणका लागि सरकारलाई अनुरोध गर्ने निर्णय गरिएको छ । उहाँका अनुसार उद्योग वाणिज्य संघ चितवनका उपाध्यक्ष अशोक अधिकारी, उद्योग संघ चितवनका अध्यक्ष सूर्यप्रसाद न्यौपाने, उद्योग वाणिज्य संघ रत्ननगरका अध्यक्ष शंकर गिरी, चितवन च्याम्बर अफ कमर्सका अध्यक्ष गोपाल भट्टराई, भरतपुर महानगरपालिका वडा नं। २ का अध्यक्ष मनोज रानाभाट, पशु सेवा कार्यालय चितवनका पशु चिकित्सक बब्लु ठाकुर, राष्ट्रिय पन्छी रोग अन्वेषण प्रयोगशालाका पशु चिकित्सक इन्दु राय यादवको उपस्थितिमा छलफल गरिएको हो ।

यसैगरी नेपाल पोल्ट्री महासंघका महासचिव दिनेश मिश्र, नेपाल लेयर्स कुखुरा पालक संघका अध्यक्ष विनोद पोखरेल, चितवन नवलपुर दाना वितरक संघका अध्यक्ष तेजनारायण पाण्डे, नेपाल दाना उद्योग संघ चितवनका अध्यक्ष बालचन्द्र खनाल, नेपाल ह्याचरी उद्योग संघका बागमती प्रदेश अध्यक्ष ज्ञानु विसुराल लगायत सरोकार पक्षबीच छलफल भएको थियो ।

कार्यक्रममा डा। अनन्त दाहालले अण्डाको लागत मूल्य रु।१६।५६ हुनुका कारणबारे प्रकाश पार्नुभएको थियो । फर्म निर्माण, चल्ला खरिद, दानाको खपत, बैंक व्याज, औषधि, मजदुर लगायतलाई समेटेर लागत मूल्य तय गरिएको उहाँले जानकारी दिनुभयो । सो अवसरमा सहभागीहरुले अब पनि लागत मूल्यभन्दा कममा अण्डा बिक्री भएमा नेपालमा पोल्ट्री क्षेत्र समाप्त हुने भन्दै बजारीकरणमा जुट्न सुझाव दिएको संघका अध्यक्ष रघुनाथ भट्टले जानकारी दिनुभयो ।

कार्यक्रममा नेपाल लेयर्स कुखुरा पालक संघका अध्यक्ष विनोद पोखरेलले हालको अण्डाको बजारको अवस्था र उत्पादनको बारेमा जानकारी गराउनु भएको थियो । उहाँका अनुसार यस अघि धेरै उत्पादन भएको तुलनामा अहिले अण्डाको उत्पादन आधा घटेको छ ।

नेपालमा धेरै उत्पादन हुँदा दैनिक ६० लाख वटासम्म अण्डा उत्पादन भएको अनुमान गरिन्छ । हाल दैनिक २८ लाख मात्रै अण्डा उत्पादन हुँदै आएको छ । पोखरेलले ७५ प्रतिशत किसान लागत मूल्यमा उत्पादन बिक्री गर्न नपाएपछि विस्थापित हुनु परेको बताउनुभयो । टिकेकाहरुले पनि बैंकको ऋण थप गरेर व्यवसाय धानेको उहाँको भनाई छ ।

चितवन, जेठ ९ ।

चितवनका सहकारी पीडित आन्दोलनमा उत्रिने भएका छन् । आफ्नो बचत रकम फिर्ता पाउनुपर्ने माग राख्दै दबाव स्वरुप आन्दोलनमा उत्रन लागेको आज बुधबार भरतपुरमा पत्रकार सम्मेलनको आयोजना गरी जानकारी दिइएको छ । सहकारी पीडित संघ चितवन नै गठन गरेर यहि जेठ ११ गते भरतपुरमा ¥याली निकाल्न लागिएको कार्यक्रममा जानकारी दिइयो । शुक्रबार आन्दोलन स्वरुप ¥याली निकाल्न लागिएको साहारा बहुँउद्देश्य सहकारी संस्था पीडित संघर्ष समितिका संयोजक शालिकराम दुवाडीेले जानकारी दिए । भरतपुरको चौबिसकोठिबाट सुरु हुने र्‍याली मेडिकल रोड, मालपोत चोक, हुँदै जिल्ला प्रशासनमा गएर कोण सभामा परिणत हुनेछ । र्‍यालीमा जिल्ला भरका बचतकर्ताहरुको सहभागिता रहने जनाइएको छ । शिव शिखर बहुउद्देश्यीय सहकारी संस्था, सनराईज बचत तथा ऋण सहकारी संस्था र साहारा चितवन बहुउद्देश्यीय सहकारी संस्था, समाज कल्याण सहकारी, नेपाल सहकारी, वित्तिय सहकारी संस्थाका बचतकर्ताको दुई अर्ब बढी रकम डुबेको छ । प्रधानमन्त्री, गृहमन्त्री लगायतका निकायमा पुग्दा समेत न्याय पाउन नसकेको भन्दै आन्दोलनमा उत्रनु परेको शिवशिखर बचत तथा ऋण सहकारी संस्थाका बचतकर्ता बद्रि अधिकारीले बताए । चितवनमा १० वटाभन्दा बढी सहकारीमा बचतकर्ताको रकम डुबेको बताइएको छ । उनका अनुसार ६ अर्बको हाराहारीमा चितवनमा अपचलन भएको छ । यो रकम राज्यले दिनुपर्ने उनले बताए । उनका अनुसार शिवशिखरबाट मात्रै ९८ करोड बढी रकम बचतकर्ताको डुबेको छ । यस्तै सनराईज सहकारीका बचतकर्ताको ९० करोड ८० लाख २० हजार रुपैयाँ डुबेको छ । सो सहकारीका बचतकर्ता तुलसीराम सापकोटाले सहकारी पीडितको मागलाई राज्यले समाधान गरिदिनुपर्ने बताए ।

चितवन, जेठ ९ । 
पूर्वी चितवनको खैरहनीमा सर्वाधिक पुरस्कार रासीको फुटवल प्रतियोगिता हुने भएको छ । खैरहनी वड नं ११ पिद्रहनी स्थित इन्द्रकमल युवा क्लवको आयोजनामा यही जेठ १२ गतेबाट प्रथम इन्द्रकमल गोल्डकम २०८१ हुने भएको हो । प्रतियोगिता सोही वडा अन्तर्गत कुम् रठ्ठा स्थित खेल मैदानमा हुनेछ । क्लवले बुधवार पत्रकार सम्मेलनको आयोजना गरि प्रतियोगिताको उद्देश्य र तयारीको विषयमा जानकारी दिएको हो । खेलकुद मार्फत पर्यटनको विकास गर्ने उद्देश्यले दुईलाख पुरस्कार रासीको गोल्डकप आयोजना गरिएको क्लवका अध्यक्ष राजु तामाङले बताए । दुई बर्ष अधि जिल्ला स्तरीय फुटवफ प्रतियोगिता गरेको सो क्लवले खेलाडीहरुको सीप विकास, स्थानीय स्तरमा आर्थिक चलायमान र खेलकुदको माध्यमबाट खैरहनीलाई राष्ट्रिय स्तरमा परिचित गराउन प्रतियोगिता आयोजना गरिएको अध्यक्ष तामाङले जानकारी दिए । १० टिम सहभागी सो प्रतियोगिता प्रथम पुरस्कार २ लाख र दोस्रो पुरस्कार एक लाख, शिल्ड, मेडल र प्रमाणपत्र प्रदान गरिने छ । प्रतियोगितामा सर्वाधिक गोलकर्ता १ जना, उत्कृष्ट, गोल रक्षक १ जना, सर्वोउत्कृष्ट खेलाडी १ जना प्रत्यक खेलमा उत्कृष्ट खेलाडीलाई पुरस्कार प्रदान गरिनेछ । उपाधिका लागि आयोजक टिम सहित हेटौडा फुटवल एकाडेमी, वीरगञ्ज युनाइटेड, अभिषेक चर्ज, बसन्तपुर युनाइटेड क्लव माडी, रामपुर रडर्स, सुर्यपुर एफसी, हर्दी युवा समाज, प्याराडाइज युवा क्लव, गैंडाकोट एफसीले प्रतिस्पर्धा गर्नेछन् । साढे १३ लाख खर्च हुने अनुमान गरिएकोसो प्रतियोगिताको लागि वडा कार्यालयको ५ लाख विभिन्नसंघ संस्थाहरुबाट आर्थिक सहयोग संलन गरिने छ । आयोजक क्लवले प्रतियोगिताको तयारी पूरा भएको र खेल तालिका समेत सार्वजनिक गरिएको जनाएको छ ।