समाचार

चितवन, फागुन १८ ।

चितवन, फागुन १८ ।

प्रधानमन्त्री पुष्पकमल दाहाल प्रचण्डले वर्तमान सरकार अर्थतन्त्रमा देखिएका चुनौती सम्बोधन गर्दै समृद्धिको आधार तयार गर्न क्रियाशील रहेको बताउनुभएको छ । रोल.........

घुमौँ भरतपुर भन्ने नाराका साथ गरिएको ‘भरतपुर भ्रमण वर्ष, २०२४’ को शुक्रबार चितवनमा उद्घाटन गर्दै प्रधानमन्त्री प्रचण्डले आफू नेतृत्वको वर्तमान सरकार सुशासन, सामाजिक न्याय र समृद्धिको प्राथमिकतासहित अर्थतन्त्रका चुनौतीहरू सम्बोधन गर्न क्रियाशील रहेको बताउनुभयो । भ्रष्टाचार नियन्त्रण, अर्थतन्त्रमा सुधार, सङ्घीयता कार्यान्वयन, सामाजिक न्याय र सेवा प्रवाहमा सुधार भएको उहाको भनाइ छ । नेपालको कूल ग्राहस्थ उत्पादनमा पर्यटन क्षेत्रको योगदान ६ दशमलव ७ प्रतिशत र रोजगारीको क्षेत्रमा ६ दशमलव ९ प्रतिशत रहेको उल्लेख गर्दै प्रधानमन्त्री प्रचण्डले चितवनमा २०२३ मा एक लाख ९० हजार चार सय ५८ जना पर्यटकको आगमन भएको आफूले जानकारी पाएको बताउनुभयो ।

उहाले भ्रमण वर्ष कार्यक्रमले चितवनलाई आर्थिक केन्द्रको रूपमा विकास गर्न महत्त्वपूर्ण योगदान पुग्ने विश्वास व्यक्त गर्नुभयो । 

त्यस्तै कांग्रेस सभापति एवं पूर्वप्रधानमन्त्री शेर बहादुर देउवाले पर्यटन क्षेत्रको विकासका लागि सरकार र निजी क्षेत्रबीच सहकार्य आवश्यक रहेको बताउनुभयो । कोरोनाका कारण नेपालको अर्थतन्त्रमा परेको असर पर्यटन क्षेत्रको चलायमान अवस्थाले परिपूर्ति गर्दै जाने उहाँको भनाइ छ । उहाले गठबन्धनभित्र कुनै समस्या नरहेको भन्दै एकढिक्का भएर अघि बढ्ने जिकिर गर्नुभयो । 

त्यस्तै एमालेका अध्यक्ष एवं पूर्वप्रधानमन्त्री केपी शर्मा ओलीले भरतपुर मानव र जंगली जनावरको गजबको मेल र अलि अलि संघर्ष समेत भएको ठाउँ भएको बताउनुभयो । आफूले पानी जहाजको कुरा गर्दा सुरुमा मानिसहरूले कुरा नबुझेका बताउँदै ओलीले अहिले कम्तीमा नारायणी नदीमा स्टिमर चल्न लागेका भन्दै खुसी व्यक्त गर्नुभयो । ओलीले भरतपुर भ्रमण वर्षलाई चितवन भ्रमण वर्षको रूपमा अघि बढाउनु पर्ने बताउनुभयो । बाइट....................

त्यस्तै नेकपा एकीकृत समाजवादीका अध्यक्ष एवं पूर्वप्रधानमन्त्री माधव कुमार नेपालले विकासका लागि सडक पूर्वाधार मात्र नभई अन्य सूचकसमेत उत्कृष्ट हुनुपर्ने भन्दै त्यसमा भरतपुरले ध्यान दिएको बताउनुभयो । जनताले दिएको सल्लाह र आलोचनाले सही बाटोमा हिँड्न प्रेरित गर्ने भन्दै राम्रो गर्नेलाई प्रोत्साहन र नराम्रो गर्नेलाई जनताले नै दण्डित गर्ने बताउनुभयो । 

त्यस्तै पूर्वप्रधानमन्त्री झलनाथ खनाल, रास्वपा सभापति रवि लामिछाने लगाएतले विकास र पर्यटकीय सम्भावनाले भरतपुरलाई अन्तर्राष्ट्रिय पर्यटकीय थलो बनाउन सकिने धारणा राखेका थिए । उदघाटन कार्यक्रमअघि भरतपुरका विभिन्न चोकबाट निस्कने ¥याली र झाँकीले बजार परिक्रमा गरेको थियो । पर्यटन विस्तारका लागि भरतपुर महानगरपालिकाले भरतपुर भ्रमण वर्ष–२०२४ आयोजना गरेको हो । भ्रमण वर्षमा दुई लाख विदेशीसहित पाँच लाख पर्यटक भित्र्याउने उद्देश्य राखेको महानगरले जनाएको छ । भ्रमण वर्ष अवधिभर विभिन्न ५१ वटा कार्यक्रमहरु सञ्चालन हुने बताइएको छ ।

चितवन,फागुन १८ ।  तस्विर: कोमल चन्द्र भगत । 

प्रधानमन्त्री पुष्पकमल दाहाल प्रचण्डले भरतपुर आँखा अस्पतालको नवनिर्मित भवनको उद्घाटन गरेका छन् । भरतपुर महानगरपालिका ११ बाइपास रोडमा भरतपुर अस्पतालको जग्गामा बनेको आँखा अस्पतालको प्रधानमन्त्री प्रचण्डले शुक्रबार बिहान एक समारोहका बीच उद्घाटन गरेका हुन् । भरतपुर भ्रमण वर्षको उद्घाटन गर्न चितवन आएका बेला प्रधानमन्त्रीले आँखा अस्पतालको साढे ३ तलाको सुविधा सम्पन्न भवनको उद्घाटन गरेका हुन् ।
१३ करोड ५० लाख रुपैयाँ लागतमा अस्पाल भवन निर्माण गरिएको हो । कुल २५ हजार ५०० वर्ग फिट क्षेत्रफलमा बनेको भवनको फाउण्डेसन र फ्रेम स्ट्रक्चरर निर्माण शिवालय विल्डर्स काठमाण्डौंले ४ करोड ८३ लाख बयानब्बे हजारमा गरेको थियो भने, बाँकी काम अस्पताल आफैंले गरेको हो । भवनको भुईं तलामा बाल रोग बहिरंग विभाग, बालबालिकाहरुको लागि टिकट काउण्टर, ६ वटा ओपिडी कक्ष, फार्मेसी कक्ष, चश्मा बिक्री कक्ष, बाल मैत्री खेल कक्ष, स्टाफ कन्फ्रेन्स हल र स्तनपान कक्ष रहेको छ । पहिलो तलामा नर्सिङ कक्ष, ६० वटा वेडहरु, क्याविन कक्ष ६ वटा रहेको छन् । दोस्रो तलामा चारवटा अत्याधुनिक शल्यक्रिया कक्ष ९३ मोडुलर, १ सेप्टिक ओ।टी० र ४ वटा पोष्ट अप्रेसन कक्ष रहेको छ । कर्मचारी र सेवाग्राहीलाई सहजताको लागि इलेक्ट्रिक लिफ्ट सुविधा राखिएको छ । भवनको तलमाथि गर्न दुई वटा भर्‍याङको व्यवस्था गरिएको छ । फरक क्षमता भएका मानिसहरुको लागि अपाङ्गमैत्री र्‍याम र शौचालयको व्यवस्था गरिएको छ । भवनको सुरक्षाको लागि इलेक्ट्रिक अर्थिङको साथै अग्नि शमन यन्त्रको व्यवस्था गरिएको छ ।

उपकरणसहित भवनको सबै काम गरेर २० करोड १५ लाख २२ हजार ६२१ रुपैयाँ ४३ पैसा लागत लाग्ने अनुमान रहेको नेपाल नेत्रज्योती संघ चितवनका सचिव केशव अधिकारीले जानकारी दिए । भवन निर्माणको लागि विभिन्न दातृ निकाय, संघसंस्था तथा उदारमना सहयोगी मनहरुबाट ८ करोड ५० लाख ७३ हजार ५ सय ५७ रुपैयाँ सहयोग प्राप्त भएको थियो । भरतपुर आँखा अस्पताले प्रदान गर्दै आएको आँखा रोगसम्बन्धी विशेषज्ञ सेवा विस्तार तथा सीटीईभीटीसँगको सहकार्यमा आँखासम्बन्धी प्रविणता तहको अप्थाल्मिक साइन्स विषयको पढाइ तथा नेत्र विशेषज्ञ चिकित्सकहरुको फेलोशिप कार्यक्रम, बि अप्टम बिषयका पढाईका लागि भवन अभाव भएको थियो । नयाँ भवन बनेपछि सेवा प्रवाहमा सहजता हुने अस्पतालले जनाएको छ ।चार बिघा जग्गामा बैक अफ कमर्श एण्ड क्रेडिट ईन्टरनेशनल (बि.सि.सि.आई) पकिस्तानको आर्थिक सहयोगमा २०४४ सालमा भरतपुर आँखा अस्पताल स्थापना गरि सेवा प्रदान हुँदै आएको छ ।

भरतपुर, १७ फागुन । भरतपुर महानगरपालिका–१ वागीश्वरीमा रहेको श्री वागीश्वरी आध्यात्मिक परिषद् योगी नरहरिनाथ आश्रममा स्थापित योगी नरहरिनाथ पुस्तकालय व्यवस्थापन एवं अनुसन्धान केन्द्रको उद्घाटन गरिएको छ । बिहीबार एक समारोहका बीच भरतपुर महानगरपालिका प्रमुख रेनु दाहालले उक्त पुस्तकालय व्यवस्थापन एवं अनुसन्धान केन्द्रको उद्घाटन गर्नुभएको हो । कार्यक्रमको उद्घाटन गर्दै प्रमुख दाहालले योगी नरहरिनाथको सिद्धान्तमा मुलुक चल्न नसकेको बताउनुभयो । उहाँले धर्मको वैज्ञानिक व्याख्या गर्दै धार्मिक अभियानलाई देशव्यापी बनाउन सफल हुनुभएको भन्दै दाहालले राष्ट्र गुरुको बारेमा थप अध्ययन र अनुसन्धान गर्न पुस्तकालयले मद्दत पु¥याउनेमा विश्वास व्यक्त गर्नुभयो । उक्त पुस्तकालयको विकास र संरक्षणमा महानगरपालिकाले सहयोग गर्ने दाहालको भनाइ छ ।

पुराना अभिलेख एवं पुस्तकहरुको संरक्षण, योगी नरहरिनाथका महत्वपूर्ण पुस्तकहरु पुनः प्रकाशन, योगीका कृतिहरुमाथि अध्ययन एवं अनुसन्धान, चितवनका ऐतिहासिक, सांस्कृतिक, पुरातात्विक बस्तुहरुको अन्वेषण गर्नु पुस्तकालय स्थापनाको लक्ष्य रहेको बताइएको छ । पुस्तकालयमा योगी नरहरिनाथका सम्पूर्ण कृति एवं उहाँका कृतिमाथि भएका अध्ययन सामग्री राखिने बताइएको छ । त्यस्तै धार्मिक पुस्तकहरु एवं अनुसन्धानका निम्ति आवश्यक पर्ने सन्दर्भ पुस्तकहरु पनि पुस्तकालयमा राखिने बताइएको छ । योगी नरहरिनाथ पुस्तकालय व्यवस्थापन एवं अनुसन्धान केन्द्रमा हालसम्म धार्मिक, योगी नरहरिनाथ एवं चितवनका विभिन्न दुई हजार भन्दा बढी पुस्तकहरु रहेका छन् । श्री वागीश्वरी आध्यात्मिक परिषद् योगी नरहरिनाथ आश्रमका अध्यक्ष शैलेन्द्रकुमार पियाको अध्यक्षतामा भएको कार्यक्रममा प्राडा गुरुप्रसाद, संरक्षक शान्तप्रसाद पोखरेल, तिमिला माता, आश्रम प्रमुख योगी निरञ्जन नाथलगायतले मन्तव्य राख्नुभएको थियो । सो कार्यक्रमको सञ्चालन अशोक पोखरेलले गर्नुभएको थियो । यसैबीच, राष्ट्र गुरु योगी नरहरिनाथको ११०औँ प्रकाट्य दिवसको अवसर पारेर आयोजना गरिएको लक्ष्यहोमको समापन गरिएको छ । आश्रम प्रमुख योगी निरञ्जननाथको संकल्प एवं श्री वागीश्वरी आध्यात्मिक परिषद् योगी नरहरिनाथ आश्रमको आयोजनामा फागुन १४ देखि सञ्चालन भएको लक्ष्यहोम बिहीबार सभापन गरिएको आश्रमका सदस्य एवं लक्ष्यहोम संयोजक सुकमाया भुजेलले जानकारी दिनुभयो । लक्ष्यहोम समापन कार्यक्रमको प्रमुख अतिथिको रुपमा भरतपुर महानगरपालिका प्रमुख रेनु दाहाल रहनुभएको थियो । घुमौँ भरतपुर अन्तरगत भरतपुर भ्रमण वर्षको पूर्वसन्ध्यामा योगी नरहरिनाथको ११० औँ प्रकाट्य दिवसको अवसरमा योगी नरहरिनाथ गौ संरक्षण केन्द्रमा भरतपुर महानगरपालिका प्रमुख रेनु दाहालद्वारा गौ आरती गरी भ्रमण वर्षको सफलताको कामना गरिएको थियो । त्यस्तै, राष्ट्र गुरु योगी नरहरिनाथको जन्म दिवसको कार्यक्रममा ११ जना कर्तासहित यहाँ रहेको योगी नरहरिनाथ संस्कृत गुरुकुलका बटुक र प्राचार्यलगायतका गुरुहरु एवं विभिन्न भक्तजनहरुद्वारा पूजा हवन गरिएको थियो । कार्यक्रमको अन्त्यमा लक्ष्य दीप प्रज्ज्वलन गरिएको थियो