समाचार

 १६ फागुन, चितवन। तस्विर :  कोमल चन्द्र भगत । 
चितवनको पर्यटकीय नगरी सौराहामा आयोजना गरिएको बारिस्ता, अस्पिटालिटी र कफी मेसिन मर्मत तालिम बुधबार सम्पन्न भएको छ । मृगकुञ्ज मध्यवर्ती उपभोक्त समिति बछौली र सपना भिलेज सोसियल इम्प्याक्टले सयुक्त रुपमा आयोजना गरेको ४५ दिने तालिममा ४८ जनाको सहभागिता रहेको थियो । तालिम चल्दाचन्दै छ जनाले जागिर र २ जनाले व्यवसाय सुरु गरेका छन् । तालिममा सहभागी मध्ये प्रिति चौधरी, निसु तामाङ, राष्टी कर्मचार्य, विधान चौधरी, सुमितराज पौडेल, स्वयज्ञा भूषालले सौराहाका होटल तथा रेष्टुरेन्टमा जागिर पाएका हुन् । सीप सिक्दासिन्दै राजेन्द्र सापकोटा र उमेश भट्टराईले सौराहामा व्यवसाय सुरु गरेका हुन । उनीहरुले कफी सप सञ्चालनमा ल्याएको सपना कफी एण्ड बारिस्ता स्कुलका अध्यक्ष लोकनाथ शर्माले जानकारी दिए ।

उक्त सीप मुलक तालिम बुधबार सकिएको छ । तालिममा सहभागी मध्ये उत्कृष्टताको आधारमा सुदिप रिमाल प्रथम, गिरिराज पौडेल द्धितीय र स्वयज्ञा भूषाल तृतीय, कफीको उत्कृष्ट डिजाइनरको रुपमा एलिसा थपलिया र उत्कृष्ट कार्यसम्पादनको रुपमा स्वयज्ञा भूषाल पुरस्कृत भएका छन् । समापन कार्यक्रममा मध्यवर्ती क्षेत्र व्यवस्थापन समितिका अध्यक्ष प्रकास ढुंगाना, चितवन निकुञ्जका प्रमुख संरक्षण अधिकृत डिलबहादुर पुर्जापुन, मृगकुञ्जका अध्यक्ष दुर्गाप्रसाद घिमिरे, सपना भिलेजका अध्यक्ष ध्रुव गिरीले पुरस्कार र प्रमाणपत्र हस्तान्तरण गरेका थिए । कार्यक्रमका प्रमुख अतिथि समेत रहेका अध्यक्ष ढुंगानाले रोजगारी, आयआर्जन र संरक्षणलाई संगसंगै अगाडि बढाउने मध्यवर्तीको अबधारण रहेको बताए । संरक्षणलाई प्रभावकारी बनाउन आयआर्जनलाई उत्तीकै महत्व दिनुपर्नेमा जोड दिए । प्रमुख संरक्षण अधिकृत पुर्जापुनले वन तथा वन्यजन्तुको संरक्षणलाई थप मजबुत बनाउन मध्यवर्तीका युवाहरुको लगाव आवश्यक रहेको बताए । सपना भिलेजका अध्यक्ष गिरीले स्थानीय सरकार र अन्यसंघसंस्थाहरुसंग सहकार्य गरी सपना भिलेजले रोजगारी र्सिजना गर्ने विभिन्न सीपमुलक कार्यक्रम आयोजना गर्दै आएको बताए ।

मृगकुञ्जका अध्यक्ष घिमिरेले कृषि,संस्कृति र पर्यटनको माध्यमबाट रोजगारी र आयआर्जन र्सिजना गर्ने गरी कार्यक्रम अगाडि बढाइएको बताए । जीविकोपार्जनको बैकल्पिक आधार तयार नगरी संरक्षणलाई प्रभावकारी बनाउन नसकिने भन्दै उनले रोगजारीको लागि सीपमुलक तालिम आयोजना गर्दै आएको बताए । मृगकुञ्जले सञ्चालन गरेका २७ वटा संरक्षणमुलक कार्यक्रम मध्ये युवा केन्द्रीत सीप मुलक तालिम, मुसहर महिलालाई तरकारी खेती तालिम प्रभावकारी भएको घिमिरेले बताए । कार्यक्रममा वडा नं ५ का वडाध्यक्ष बालकृष्ण चापागाईँ, राष्ट्रिय प्रकृति संरक्षण कोष सौराहाकी प्रमुख रचना शाह, क्षेत्रीय होटल संघका सचिव महेश खनाल लगायतले मन्तव्य राखेका थिए । मृगकुञ्जका अध्यक्ष घिमिरेको अध्यक्षतामा भएको कार्यक्रममा मृगकुञ्जका कार्यसमिति सदस्य बुद्धिमान विकले स्वागत मन्तव्य राखेका थिए । कार्यक्रम सपना कफी एण्ड बारिस्ता स्कुलका सञ्चालक सुदिप भट्टराईले सञ्चालन गरेका थिए ।

१६ फागुन, चितवन। चितवनमा यही फागुन १९ गते हुने रोटरी मिनी म्याराथुनको तयारी पूरा भएको छ । आयोजक रोटरी क्लव अफ रत्ननगरले बुधबार भरतपुरमा पत्रकार सम्मेलनको आयोजना गरि म्याराथुन प्रतियोगिताको तयारी पुरा भएको जानकारी दिएको हो । प्रतियोगितामा ४ जना विदेशी सहित ६०२ जना धावकले प्रतिस्पर्धा गर्ने रोटरी क्लव अफ रत्ननगरका पूर्व अध्यक्ष तथा प्रतियोगिताका संयोजक विपिन पोखरेलले जानकारी दिए । प्रतियोगितामा नेपाल घुम्न आएका जर्मनी नागरिक दुई जना र कैन्याका नागरिक दुई जना गरी ४ जना विदेशी धावक समेत सहभागी हुने पोखरेलले जानकारी दिए । ६०२ जना धावक मध्ये ३६४ जना पुरुष र २३८ जना महिला छन् । प्रतियोगितामा ४८ जना महिला सहित ८९ जना चेपाङ समुदायका युवा युवतीले सहभागिता जनाउदै छन् । प्रतियोगिता खुल्ला र महिला गरि दुई चरणमा हुनेछ । खुल्ला तर्फ नारायणी नदी किनारबाट रत्ननगरको निपनी सम्म १५ दशमलब ४ किलोमिटर र महिला तर्फ टिकौली जंगलको मुख्य भागबाट सुरु भई निपनी सम्म पाँच किलोमिटर दुरी कायम गरिएको कार्यक्रम संयोजक पोखरेलले जानकारी दिए ।

प्रतियोगितामा राष्ट्रिय धाबकहरु, नेपाली सेना, नेपाल प्रहरी, सशस्त्र प्रहरी बल नेपालका राष्ट्रसेवकहरु, सिमान्तकृत चेपांग समुदायका धावकहरुले प्रतिस्पर्धा गर्ने रोटरी क्लव अफ रत्ननगरका अध्यक्ष हरिकुमार श्रेष्ठले जानकारी दिए । भरतपुर भ्रमण वर्षलाई प्रबर्द्धन साथै समग्र चितवनको पर्यटन प्रवर्धन र रोटरीको जनाविश्वास अभिवृद्धि गर्ने उद्देश्यले मिनी म्याराथुन आयोजना गरिएको हो । धावक तथा प्रतियोगीहरुलाई दुवै विधामा पुरस्कृत गरिने छ। खुल्ला तर्फ प्रथम पुरस्कार रु।१ लाख नगद सहित चाँदीको तक्मा र प्रमाणपत्र, द्वितीय पुरस्कार रु।५० हजार नगद सहित चाँदीको तक्मा र प्रमाणपत्र, तृतीय पुरस्कार रु। २५ हजार नगद सहित चाँदीको तक्मा र प्रमाणपत्र, चौथो पुरस्कार रु।१० हजार नगद सहित प्रमाणपत्र, पाँचौ पुरस्कार रु।५ हजार नगद सहित प्रमाणपत्र, छैठौ देखि दसौं स्थानसम्म रु।३ हजार सहित प्रमाणपत्र र दूरी पूरा गर्ने चेपाङलाई रु।२ हजार नगद प्रदान गरिने छ । महिला तर्फ प्रथम पुरस्कार रु।२० हजार नगद सहित चाँदीको तक्मा एवं प्रमाणपत्र, द्वितीय पुरस्कार रु।१० हजार नगद सहित चाँदीको तक्मा एवं प्रमाणपत्र, तृतीय पुरस्कार रु।५ हजार नगद सहित चाँदीको तक्मा र प्रमाणपत्र, चौथो पुरस्कार रु। ३ हजार नगद सहित प्रमाणपत्र, पाँचौ पुरस्कार रु।२ हजार ५ सय नगद सहित प्रमाणपत्र, छैठौं देखि दसौं स्थान सम्म रु।२ हजार नगद सहित प्रमाणपत्र र दूरी पूरा गर्ने चेपाङ महिलालाई रु।१ हजार नगद प्रदान गरिनेछ । प्रतियोगिताकम लागि महालक्ष्मी बिकास बैंकबाट टिसर्ट सौजन्य स्वरुप रु। ३ लाख, एक्स्पर्ट एजुकेसन एण्ड भिजा सर्भिसेज चितवनले खुल्ला तर्फको प्रथम पुरस्कार बापत रु। १ लाख, गुरु ट्राभल्स काठमाडौँबाट रु। १ लाख र अंकुरम पोलिक्लिनिक रत्ननगरबाट महिला लक्षित प्रतियोगिताको प्रथम पुरस्कार बापत रु। २० हजार सहयोग गरेका छन् । प्रतियोगिताको उद्घाटन भरतपुर महानगरपालिकाकी नगर प्रमुख रेणु दाहालले र महिला लक्षित प्रतियोगिताको उद्घाटन रोटरीका गभर्नरबाट तथा पुरस्कार वितरण एवं समापन होटल स्टार चितवन रत्ननगरको सभाहलमा रत्ननगर नगरपालिकाका प्रमुख प्रलाद सापकोटाको प्रमुख आतिथ्यतामा हुनेछ ।

१५ फागुन, चितवन । कोमल चन्द्र भगत ÷ अंकित भगत ।

मध्य नेपालको सुन्दर शहर, समृद्ध र सुसंस्कृत भरतपुर महानगर “घुमौं भरतपुर ” भन्ने नाराका साथ भरतपुर महानगरपालिकाको आयोजना तथा निजी क्षेत्र समेतको सहभागितामा आह्वान गरिएको भरतपुर भ्रमण बर्ष २०२४ को तयारी अन्तिम चरणमा पुगेको भरतपुर महानगरपालिकाले जानकारी दिएको छ । आज ( मंगलबार) पत्रकार सम्मेलको आयोजना गरी सो को जानकारी गराएको हो । यही फागुन १८ गते नारायणी नदी किनारमा आयोजना गर्न लागिएको भरतपुर भ्रमण वर्षको उद्घाटन समारोहको भव्य रुपमा गरिने बताएको छ । े सम्माननीय प्रधानमन्त्री पुष्पकमल दाहाल प्रचण्डले नारायणी नदी किनारमा भव्य समारोहका बीच दिउँसो १ बजे भरतपुर भ्रमण बर्षको उद्घाटन गर्ने कार्यक्रम रहेको पत्रकार सम्मेलनमा जानकारी दिएको छ । उद्घाटन समारोहमा पूर्व प्रधानमन्त्रीज्यूहरू, संघीय सरकारका मन्त्रीज्यूहरू, प्रदेश प्रमुखहरु, प्रदेशका मुख्यमन्त्रीहरु, प्रदेश मन्त्रीहरू, संघ तथा प्रदेशका सांसदहरु लगायत विशिष्ट व्यक्तित्वहरूलाई आमन्त्रण गरिएको जनाएको छ ।

करिव ५० हजार जनसमुदाय सहभागी हुने अपेक्षा गरिएको उद्घाटन समारोहमा राष्ट्रिय कालकारहरूको प्रस्तुति रहनेछ भने, विभिन्न सांस्कृतिक झाँकीहरु प्रर्दशन गरिनेछ । महानगरपालिकाका २९ वटै वडाका वडाध्यक्षहरुको नेतृत्वमा विद्यालय, धार्मिक तथा जातिय समुदाय, विभिन्न सामाजिक संघसंस्था, नागरिक समाज, विभिन्न जातजातीहरु सांस्कृतिक झाँकीसहित सहभागी हुनेछन्। “घुमौं भरतपुरू भन्ने नाराका साथ आयोजना गर्न लागिएको भरतपुर भ्रमण वर्ष २०२४ सफल बनाउन महानगर प्रमुख रेनु दाहालको संयोजकत्वमा २०२४ सदस्यीय मूल समारोह समिती तथा ७ सदस्यीय निर्देशन समिति, उपप्रमुख चित्रसेन अधिकारीको संयोजकत्वमा १९ सदस्यीय कार्यसम्पादन समिति, जिल्लाका विभिन्न क्षेत्रका विशिष्ट व्यक्तित्वहरु संलग्न सल्लाहकार समिति, विभिन्न ३० वटा विषयगत उपसमितिहरु गठन गरी कार्य विभाजन सहितको जिम्मेवारी प्रदान गरिएको छ । भ्रमण बर्षको तयारीका सर्दभमा विभिन्न राजनीतिक, दल, बुद्धिजिवी, समाजसेवी निजी क्षेत्र लगायत सरोकारवाला सबैसँग छलफल तथा अर्न्तक्रिया गरिएको छ । यस बृहत् प्रर्वधानात्मक अभियानको मुख्य प्रबंधक नेपाल पर्यटन बोर्ड रहेको छ । महानगरका गन्तव्यहरुको राष्ट्रिय तथा अन्तराष्ट्रिय स्तरमा प्रर्वद्धन गर्ने, पर्यटकको संख्या र बसाई अवधी बृद्धि गर्ने तथा दीगो पर्यटन विकासबाट आर्थिक समृद्धी प्राप्त गर्ने उद्देश्यले आयोजना गर्न लागिएको भ्रमण बर्षले यस आसपासका क्षेत्रहरुको आर्थिक तथा पर्यटन क्षेत्रलाई टेवा दिने अपेक्षा गरिएको महानगर प्रमुख रेनु दाहाले बताउनु भयो । भरतपुर भ्रमण बर्षमा विभिन्न निजी क्षेत्र तथा विभिन्न संघसंस्थाहरुको अगुवाईमा बर्ष भरी ५१ वटा विभिन्न कार्यक्रमहरु सञ्चालन हुने दाहालको भनाइ छ ।

भ्रमण बर्षमा करीव २ लाख बाह्य पर्यटक तथा ५ लाख आन्तरिक पर्यटकहरूले भरतपुर भ्रमण गरेर यहाँका पर्यटकीय क्षेत्रहरुको अवलोकन गर्ने अपेक्षा गरिएको उप प्रमुख चित्रसेन अधिकारीले बताउनुभयो । यहाँका सम्भावनाहरुको पहिचान, तथा बलिएको भरतपुरको प्रत्यक्ष अनुभूति गर्ने अपेक्षा राखिएको अधिकारीको भनाइ छ । भरतपुरलाई चिनाउँदै यहाँ आर्थिक सम्भावनाको खोजी, लगानीको वातावरण निर्माण गर्न पनि भ्रमण बर्ष कोशेढुंगा सावित हुने अपेक्षा गरिएको छ । भ्रमण बर्षमा आउने पाहुनाहरुलाई सेवा प्रदान गर्न महानगरपालिका भित्र होटलहरुमा ७ हजार ५ सय र सौराहा देखि गैंडाकोटसम्म १५ हजार वेड तयारी अवस्थामा राखिएका छन् । भ्रमण बर्षमा आउने पाहुनाहरुलाई लक्षित गरी होटल तथा रेष्टुरेन्टहरुले छुट सुविधा घोषणा गरेका छन्। भ्रमण बर्ष भरी सञ्चालन गरिने विविध गतिविधिहरुले समग्र चितवनलाई नै पर्यटकीय तथा आर्थिक हबका रुपमा विकास गर्न महत्वपूर्ण भूमिका खेल्ने अपेक्षा गरिएको छ । यस महाअभियानलाई भव्य एवं सभ्य रुपमा सम्पन्न गर्न भ्रमण वर्ष भरिनै यहाँहरुको रचनात्मक साथ एवं सहयोगको अपेक्षा गर्दै भ्रमण बर्षको उद्घाटन समारोहलाई सफल बनाउन घरघरबाट सहभागी हुन भरतपुर लगायत चितवनबासीलाई भरतपुर महानगरपालिकाले आह्वान समेत गरको छ । साथै उद्घाटन समारोहको पुर्व ऱ्याली २९ वटै वडाबाट ऱ्याली निकालिने छ । बिहान ११ बजेबाट ६, ८, ९, १३, २१, २२, २३, २४ हाकिमचोक हुंदै चौबिसकोठी, त्रिचोक हुँदै चौबीसकोठी, गेस्टहाउस चौर हुँदै चौबीसकोठीबाट शुरु गरिनेछ । त्यस्तै ११ः१५ बजे बाट वडा नं. ५, ७, १४, १५, १८, १९ २०, २५, २६, २७, २८ पोखरा बसपार्क क्याम्पाचौरबाट शुरु हुनेछ भने ११ः३० बजेबाट वडा नं. १०, ११, १२, २९ को ¥याली क्याम्पाचौर हुँदै लायन्सचोक, बेलचोक हुँदै सहिदचोक, ११ः४५ बजे बाट वडा नं. १, २ को ¥याली क्याम्पाचौरमा जम्मा भएर शुरु हुने छ भने १२ बजे बाट वडा नं. ३, ४, १६, १७ नं. वडाहरुको ¥याली न्युरोड हुंदै कार्यक्रम स्थल नारायणी नदि किनार पुग्ने नगर प्रमुख एवम् मूल समारोह समिति संयोजक रेनु दाहाल बताउनु भयो । भरतपुर भ्रमण वर्षका अवसरमा वर्ष भरी नै अन्तराष्ट्रिय सफारी मार्ट, जङ्गल फेस्टिवल, युवा सम्मेलन, अन्तराष्ट्रिय लगानी सम्मेलन, साहित्यकार्यक्रम, ऱ्याली, हेरिटेज, म्याराथन, सेमिनारहरूको आयोजना, राजदूत, लेखक, ब्लगरहरूको भ्रमण, ट्राभल एजेन्सी, टुर अपरेटरहरूको सम्मेलन, विज्ञ समूह सहितको कार्यशालागोष्ठी, खेलकूद प्रतियोगिताहरू, पर्यटन तथा वातावरणसँग सम्बद्ध दिवसहरू, जातीय सांस्कृतिक कार्यक्रम, फुड फेस्टवल जस्ता क्रियाकलापहरु वर्षभरि निरन्तर आयोजना गरिने छ ।